Govt. Zemabawk HSS silver jubilee run

Aizawl | August 14, 2025: Tukin dar 6:30 khan Govt. Zemabawk Higher Secondary School chuan Silver Jubilee (kum 25-na) lawm bul tanna tura Jubilee run an neih chu Aizawl Municipal Corporation (AMC) Ward no 7 Corporator Vanlalneia'n hawngin, a vai liam.

Vanlalneia chuan Zemabawk HSS in Silver Jubilee hial a lo thleng thei chu lawmawm a tih thu leh a hun laia lut zirlaite an vanneih zia sawiin, hriselna atana insawizawi pawimawh zia leh thangthar zingah zunthlum leh thisen sang an tam tual tual mai pawi a tih zia sawiin, taksa insawizawina hmangin he natna hi a inven theih avangin mahni taksa enkawl uluk deuh deuh turin zirlaite fuihna thu a sawi.

Govt. Zemabawk Higher Secondary School Principal Lalrinpuii Chhangte kaihhruaina a he hun hmannaah hian zirlai leh lecturer te 400 rualin Thuampui thlengin Jubilee run an nei a. Kumin chhungin Jubilee lawmna hun an hmang chho, a lawmna pui ber December thlaah hman zui an tum bawk.