Adviser to CM (Political)-in ramria Police duty te a thawng!

Aizawl | August 14, 2025: Tunhnai a Assam State in dan lova an state a cheng (foreigners) te hnawhchhuah runpui aneih avangin Mizoram lam a nghawng thei em tih enfiahin Adviser to CM (Political) Lalmuanpuia Punte chuan Home Minister remruatna angin ramri hrul police duty-na hmun hrang hrang a tlawh nghal a, August 13 zan khan hian hrilhlawk lovin Bairabi Police station leh Rel Station te leh Assam ramri bulah duty post, ILP endikna leh pekchhuahna hmun te tlawhin Police te mamawh hrang hrang leh hmunhma te bakah thawktu an indaih em tih te uluk takin a enfiah nghal a. Hei bakah hian Bairabi khawtlang hruaitu tlawmngai pawl YMA leh MZP hruaitute nen an inkawm ho nghal bawk.

August ni 14 hian Vairengte, Phaisen leh Saiphai, ramri hrul a Police duty leh hnathawh dan te a tlawh chhunzawm zel.

Dy. Speaker Lalfamkima leh MLA Pu Adviser to CM (political) Lalmuanpuia Punte, MLA te chuan August ni 13(Nilaini) 2025 khan Sairang leh Kawnpui inkar kawng siam mek a hmunah an tlawh a. Riahchilh a hnathawk enkawl mek tute, PWD SE leh EE te nen hnathawh dan leh hmalak zel dan tur an sawiho nghal.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]