Dr Thangtea'n IIS tling thar Andrew Lalchhandama lawmpuia hlan

Aizawl | August 14, 2025: Vawiin August ni 14, 2025 (Ningani) chawhnu dar1:00pm khan MNF Senior Vice President Dr R Lalthangliana chuan I&PR Minister a lo nih tawhna angin tun hnaia Indian Information Service (IIS) tling thar Andrew Lalchhandama S/o C.Vanlaltluanga, Nursery veng, Aizawl. Editorial Assistant, DDK leh MJA member ni bawk chu DDK office-ah chawimawina leh lawmpuina thuziak a hlan.


Hun tawite an hmannaah chawimawina thuziak hlantu Dr.R.Lalthangliana, Former I&PR Minister chuan thu tawi sawiin, thangkhat lian zet zawt Mizo zingah Central Service inziak tling kan awm tawh lo a, vawiina hlawhtlinna sang tak kan chang hi a lawmawm takzet a. Kum 43 hnuah Mizo zingah IIS in ziak tling kan neih leh hmasak ber a ni a. Mizo thalaite leh lehkha zir mek zawng zawngte tan mi entawn tlak leh chona nasa tak a ni, a ti. Mizo thalaite chu Central Service-ah a tam thei ang ber lut se, zirlaite pawh tum nei ranin lehkha zir se, Central Service leh All India Services bakah, a bikin technical lines hrang hrangah Mizo thalai tam zawk an luh theih nan theihtawpchhuah turin Mizo thalaite a fuih nghal bawk.

UPSC kaltlanga India ram pumah ST quota pakhat chauh IIS awmah Mizo kan tling thei hi a ropui tak zet a ni tiin, a service chhung zawng tluang taka a kal theih nan te, ram leh hnam tan a thiamna leh theihna hmang zel turin duhsakna a hlan bawk a ni.

Pu Andrew Lalchhandama pawhin lawmthu a sawi a, DDK News Director leh a thawhpui dangten an lo tawiawm bawk a ni.

MNF Senior Vice President hi Mizo Hnam Run atangin hruaitu pawimawh engemaw zatin an tawiawm bawk.














Post a Comment

He post chungchanga i ngaihdan lo sawi ve rawh:

Previous Post Next Post