AMC Executive Corporator B Lalawmpuii'n a bial chhung mamawh hlan

Aizawl | August 14, 2025: Aizawl Municipal Corporation (AMC) Executive Corporator Ward IX Bialtu B Lalawmpuii chuan vawiin tlai hian a pisaah a bial chhung, Dawrpui South Welfare in an mamawh bungrua, tunlai thiamna sang tak hmanga siam khawl, 3 In One Multipurpose Photo Copy, Scanner leh Printer inkawp chu a hlan.

B Lalawmpuii hian a ward chhunga khawtlang tul te chu fund a dawn atangin; an mamawh zia ang zelin a tihsak thin a, Dawrpui South Welfare in tanpui ngaite tanpui kawnga hma an laknate leh faina kawnga hma an lakna chu entawn tlat a tih thu a sawi. Dawrpui South Welfare hi kum 2017 khan din a ni a, tanpui ngaite tanpui leh faina leh thianghlimna atan hma an la thin a ni.