Aizawl | June 28, 2025: Vawiin khan Kolasib District-a Kawnpui MSSC Football Playground-ah Kawnpui Zone Football Association (KZFA) Season Ending 2024 -2025 closing function hman a ni a, India Footballer hlui, South Tuipui MLA ni bawk Jeje Lalpekhlua'n a hmanpui.
Kawnpui Zone Football Association (KZFA) Season Ending 2024 -2025 closing function hi Kawnpui Zone Football Association (KZFA) President Joseph Lalnunmawia'n a kaihruai a, KZFA Secretary Nicky Lalthlamuana'n report pein, Match Commissioner Lalremruata'n Technical Report a pe bawk.
He hunah hian Jeje Lalpekhlua chuan thu sawiin, amah ngei pawh Football khel thin anih avangin atheih hram chuan Football lam sawmna chu tihhlawhtlin a tum thin thu a sawi a. Inkhel te leh thalai kalkhawmte hnenah fuihna thu sawiin, hlawhtlinna tawngbaw turin mi te ai an thawhrim angai a ni, a ti a. Tunah chuan Mizoramah pawh khaw hrang hrangah khelmual tha tak tak a awm tawh a, chuvang chuan ruihtheihthil laka fihlim a kan taihmak a mahni inthunun mi kannih chuan hlawhtlinna hi kan banphak ah a awm a ni, a ti. Chumi thleng tur chuan kan nih tur min dal theitu kan kalsan ngam a ngai a ni, a ti bawk.
Jeje Lalpekhlua chuan zirna leh football chungchang pawh sawiin, a theih hram chuan zirna thlahthlam lo turin a chah a. Amaherawhchu chutih rualin naupangte tuina pawh kan hriat a pawimawh a ni, a ti a, chu an talent haichhuah kawngah chuan tan kan lak angai a ni, a ti. Inkhel atangin mi zawng zawng ei an zawng dawnlo tihchu thil chiangsa a ni a amaherawhchu infiamna chu hriselna leh damdawi a ni tih kan hriat a pawimawh hle a ni, a ti bawk. Banakaih scheme a Empowerment Mizoram Sports chungchang pawh sawiin, naupangten infiamna lama hlawhtlinna an neih theih nan kawng hrang hranga tanpuina kengtel in thingtlang khawi hmunah pawh coach rawih theihna thlengin ruahmanna a tel a ni, a ti a, chuvang chuan he EMS hi chhawr tangkai ber khua ni turin a duhsak thu a sawi bawk.
He hunah hian ZPM Tuirial West Block Sr Vice President leh Thingdawl II VCP ni bawk TC Lalthangzova pawhin thu sawiin, KZFA Sr Vice President C Lalnunpuia'n lawmthu a sawi.
Khuallian hi ZPM Thalai Hqrs Aizawl atangin Vice President Rokhuma, Treasurer R Lalmalsawma, General Secretary Lalthansanga leh Isaac Lallungawia Rokhum, Secretary Jerome Laltanpuia Bawlte leh Dennis L Ralte bakah Joint Secretary K Vanlallawma te'n an tawiawm a ni.
.jpeg)
Vawiina kawnpui zone football association season ending tournament final ahhian Bangla veng GSA leh Venglai GSA ten Final hi an khel dawn a. He Tournament ahhian team 11 in knockout in an khel a, May 23 ah khan an khel tan a ni.
He Closing Match-ah hian Kawnpui Venglai GSA leh Kawnpui Bangla veng GSA te'n, Football Game hmuhnawm tak an khel a ni.
ZPM THALAI HEADQUARTERS
PRESS RELEASE
PR.No. 51-2025
Date : 28th June 2025
PU JEJE LALPEKHLUA MLA ZPM THALAI HQRS PRESIDENT NI BAWK CHUAN, KAWNPUI ZONE FOOTBALL ASSOCIATION SEASON ENDING 2024-2025, MIZORAM STATE SPORTS COUNCIL FOOTBALL PLAY GROUND KAWNPUIA CLOSING FUNCTION NEIHNAAH KHUALLIAN NIIN A HMANPUI.
Dated 28th june 2025: Vawiin khan Kolasib Dist. a Kawnpui MSSC Football Playground-ah Season Ending 2024-2025 Closing function neih a ni a. He Closing Function neihnaah hian Pu Joseph Lalnunmawia President Kawnpui Zone Football Association (KZFA) chuan Closing Function a kaihruai a, Pu Nicky Lalthlamuana, Secretary KZFA chuan Report pe in, Tv. Lalremruata, Match Commissioner chuan Technical Report a pe bawk a ni. He Closing Function Match-ah hian Kawnpui Venglai GSA leh Kawnpui Bangla veng GSA te'n, Football Game hmuhnawm tak an khel a ni.
He huna khuallian Pu Jeje Lalpekhlua MLA, ZPM Thalai Hqrs President ni bawk chuan KZFA te hnena ṭanpuina a hlân bakah thusawina hun neiin, “Ruihtheih thil lakah kan ṭhalaite kan fihlim theih nan, Infiamna lamah ṭan lak angai a, mahse zirna lam i thlahthlam lo i la, Football hi eizawnna tlak tling a ni a, chubakah hriselna kawng atana damdawi a ni tih hre thar i la, angaihna hria kan Chief Minister Pu Lalduhoma leh Sports Minister Pu Lalnghinglova Hmar kaihhruaina hnuaiah Bana kaih Policy hmangin EMS kalpuiin Sports Discipline hrang hrang a Training pe tur Coach, Mizoram State Sports Council-ah a dil theih a, a chhawr tangkaitu nih i tum ṭheuh i la, “a ti a, " kan Sorkar hian diktak leh fel taka hna lak a kalpui a, Mizoram Sorkar chuan Territorial Army a la dawn a, Thalai infiammi a tam thei ang ber ṭan tum theuh i la," a ti bawk a ni.
He hunah hian Pu TC Lalthangzova, Sr Vice President ZPM Tuirial West Block chuan thusawina hun nei in, Pu C.Lalnunpuia Sr Vice President KZFA chuan lawmthu sawina (Vote of Thanks) hun neiin, xaithiam Nl Lalengmawii leh Nl Maria Vanlalriati te'n, zaiin kalkhawm mipuite an awi bawk a ni.
Khuallian Pu Jeje Lalpekhlua MLA ZPM Thalai Hqrs President hi, ZPM Thalai Hqrs Aizawl atangin Pu Rokhuma Vice President, Pu R.Lalmalsawma Treasurer, Pu Lalthansanga General Secretary, Tv Isaac Lallungawia Rokhum, General Secretary, Pu Jerome Laltanpuia Bawlte Secretary, Pu Dennis L Ralte Secretary leh Pu K.Vanlallawma Joint Secretary te'n an tawiawm bawk a ni.
S/d
(C .HMANGAIHZUALA)
General Secretary
Information & Publicity Dept.
ZPM Thalai Headquarters, Aizawl
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: