Chief Minister's Bana Kaih Inventor's Challenge lawmman sem

byAdmin — 0
Open Hardware-ah HV Lalzuimawia'n cheng nuai riat a dawng

Aizawl | June 4, 2024: Vawiin khan Chief Minister Pu Lalduhoma chuan CM Conf. Hall-ah State Level Chief Minister's Bana Kaih Inventor's Challenge lawmman dawngtute hnenah an bultanna tur (seed money) hlanna a nei.

HV Lalzuimawia

Thusawiin Chief Minister chuan, kan pi leh pute hun atang tawhin hmanrua tam tak kan lo hmuchhuak ve tawh a. Herawt te, Hmui te, Puantahna te leh thil dang dang. An technology pawh kha a lo sang viau mai. Thangtharte hian anni aia tha leh changkang zawk hi kan la siam hlei thei lo zawk te hian a lang. Darkhuang thar te, dar thar te hi kan siam leh tawh chuang lo reng reng a. Thangthar fing zawka ngaihte hian tan kan lak a tul hle.

Inventor ni tur hian lehkhathiam nih a tangkai rualin, lehkhathiam lem lo inventor ropui tak tak hi khawvelah tam tak an awm tho va. Miin hmanraw tangkai leh mihringte tana tangkai siam a duhna, midangte tanpuitu nih duhna, awlsamna min thlen thei thil thar hmuhchhuah duhna zawk khan inventor-ah min siam thin. Chutiang rilru pu mi chu tam deuh deuh se kan duh.

Mizoramah innovator leh inventor tam tak kan nei ang tih kan ring a, chung mite dap chhuak a, patent thlenga tihpui hi he challenge in a tum a ni, a ti. Innovator leh inventor te chu kal zel tura chahin, challenge a nih ang ngeiin midangte pawhin he kawng hi rawn zawh ve zel se kan duh a ni, a ti.

Seed Money dawngtute leh an dawn zat chu: 
Higher Education Institution: 
Hardware
1st        –          B. Lalhruaitluanga; Invention:   Small LED display for public carrier system
Seed Funding: Rs.50,000/-

Software
1st        –        Lalhlimawma ; Invention:  E-commerce
Seed Funding: Rs. 3,00,000/-
2nd       –            Lalruatfela Chhakchhuak: Invention: Tlangau (waste management)
Seed Funding: Rs. 1,50,000/-
3rd        –            Fayek Ahmed: Invention: Vehicle accident monitoring
Seed Funding: Rs. 15,000/-

Open Hardware:
1st        –             HV Lalzuimawia; Invention: Bamboo Flattening machine
Seed Funding: Rs. 8,00,000/- A thil hmuhchhuah/siamchhuah hi patent nghal a ni.
2nd       –       Ramdinmawia; Invention: Hmarcha chi lakna khawl
Seed Funding: Rs. 5,00,000/-
3rd        –       Chhuanmawia; Invention:Puantahna Khawl (Zoloom)
Seed Funding: Rs. 4,00,000/-

Open Software:
1st        –             Rodinpuia; Invention: Automation system
Seed Funding: Rs. 5,00,000/-
2nd       –             Sunday Lalbiaknia; Invention: Online Book Store
Seed Funding: Rs. 4,00,000/-
3rd        –              Hillstech; Invention: Precision farming
Seed Funding: Rs. 3,00,000 te a ni.

Kumin March thla khan he intihsiakna lawmman dawngtute puanna leh lawmman hlanna neih a lo ni tawh a ni.

Inkhawm hi Pu Vanlaldina Fanai, Commissioner, Planning chuan a kaihruai a. Intihsiakna buatsaih leh lawmman semah duh tawk mai lo va, kan umzui zel a, hmasawnna min thlenpuitu nihtir ngei kan tum a ngai a ni, a ti a. An seed money te chu an hmalakna tihhmasawn zelna emaw bul an tan thar nan emawa an hman ngei a beisei thu a tarlang. Chief Minister-in hun a hmanpui theih avangin lawmthu a sawi bawk.








• • • • • • 


[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post