Maths leh Science Zirtirtu dah phutin Govt. Zohmun High School kai tur dang dawn!

Aizawl | June 5, 2025: Govt. Zohmun High School-in Mathematics leh Science Teacher an neih loh avangin June 9 hian sikul kai tur an dang dawn!

Maths leh Science Zirtirtu dah phutin Govt. Zohmun High School kai tur dang dawn!

Govt. Zohmun High School-ah hian June ni 13, Zirtawpni hma ngeia Mathematics leh Science Teacher hi min pek ngei kan phut tlat a ni tih lantirnan June ni 9, Thawhṭanni hian Zirtirtu leh zirlaite School kal tur an dang (boycott) dawn a ni.

Hemi chungchang hi nizan khan NGO Co-Ordination Committee (YMA, MHIP I & II, MUP, Zirlai Nu leh Pa) kal khawm chuan ngaihtuahin hetiang hian thutlukna an siam ta a ni.

Govt. Zohmun HS-ah Mathematics leh Science zirtirtu nei lova hun rei tak an awm chu khawtlang hruaituten Sawrkar leh Department thuneitute hnenah vawi tam tak an lo thlen tawh ṭhin a, nimahsela, tun thlenga Science leh Mathematics zirtirtu nei lova an la awm chu hriatthiam har an ti a. Kumin School Session ṭan tirh aṭanga tun June thla thleng hian zirtirtu an neih loh avangin zirlai naupang ten Science leh Mathematics Subject an la zir lo, hei hian zirlai naupangah a ṭha lo zawngin nghawng a nei ang tih an hlau a, pawi an tih takzet thu thuchhuah siamin an tarlang

An thil phutte min tihhlawhtlinsak turin Sawrkar leh thuneitute an ngena, an hlawhtlin hma loh chu an tu leh fa, zirlai naupangte tan theihtawp chhuah zel an tum.

NGO Co Ordination Committee,

Zohmun, Mizoram

The 4th June, 2025

NGO Co-Ordination Committee (YMA, MHIP I & II, MUP, Zirlai Nu leh Pa), Dt. 4. 06. 2025. Nilaini zana kal khawm chuan hetiang hian thutlukna a siam.

Govt. Zohmun HS-ah Mathematics leh Science zirtirtu nei lova hun rei tak an awm chu khawtlang hruaituten Sawrkar leh Department thuneitute hnenah vawi tam tak an lothlen tawh ṭhina, nimahsela, tun thlenga Science leh Mathematics zirtirtu nei lova an la awm chu hriatthiam har an ti a. Kumin School Session ṭan tirh aṭanga tun June thla thleng hian zirtirtu an neih loh avangin zirlai naupang ten Science leh Mathematics Subject an la zirlo, hei hian zirlai naupangah a ṭhalo zawngin nghawng a nei ang tih kan hlau hle a, pawi kan ti takzet.

Govt. Zohmun High School-ah hian June ni 13. Zirtawpni hma ngeia Mathematics leh Science Teacher hi min pek ngei kan phut tlat a ni tih lantirnan June ni 9. Thawhṭanni hian Zirtirtu leh zirlaite School kal tur kan dang (boycott) dawn a ni.

Kan thil phutte min tihhlawhtlinsak turin Sawrkar leh thuneitute kan ngena, kan hlawhtlin hma loh chu kan tu leh fa, zirlai naupangte tan theihtawp kan chhuah zel dawn a ni.

           Sd/-

(Zosangzuala)

   Secretary.

               Sd/-

(C. Zoramthanga)

          Chairman.

NGO Co Ordination Committee,

Zohmun, Mizoram

• • • • • • 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ