6th National Muaythai Championship-ah Mizoram-in medal 14 hlawh chhuak; India aiawh turin Reuben Lalnunthara thlang

Aizawl | June 14, 2025: 6th National Muaythai Championship, Rohtak Haryana-a neih zawh takah Mizoram-in medal 14 an hlawh chhuak a, Asian Youth Games, Bahrain-a neih turah India aiawh turin Reuben Lalnunthara thlan a ni bawk.

6th National Muaythai Championship hi June 9 - 14 chhung khan Rohtak Haryana-ah neih a ni a, Mizoram aṭangin Players 17 feh chhuakin, Official 4 in an hruai a. Muaythai Association of Mizoram chuan mi 14 in medal an rawn hawn thei hi a chhuang hle.

Medal 14 zingah hian Gold 9, Silver 2 leh Bronze 3 a ni a, Mizo player te hi an che tha hle a ni.

Reuben Lalnunthara, Vaivakawn hi Asian Youth Games, Bahrain-a neih turah India represent tura thlan nghal a ni.

Muaythai, Mizoram team te hi June 20 hian Aizawl an lo thlen beisei a ni.

He Championship-ah hian State 23 leh UT 3 atangin fighters 1250 an tel a, Mizoram fighter te hian intihsiakna namai lo tak an hmachhawn a ni.

Muaythai Association of Mizoram team te medal lak dan:
1. Reuben Lalnunthara, Vaivakawn Zohnuai, - 51 kgs, Junior - Gold

2. Albert Muanpuia, Edenthar , - 54kgs,  senior - Gold

3. C Lalmalswma, Edenthar, -51kgs, senior - Gold

4. K Lalrinhlua, Armed Veng, - 63.5kgs, Senior - Gold

5. Lalsanglian, bawngkawn chhimveng,  -60kgs, senior - Gold

6. C Thanmawia, Edenthar, - 54kgs, Elite senior - Gold

7. Lalrinhlua, kolosib,  - 57kgs, senior - Gold

8. Phoibi Malswmtluangi, Serchhip, - 54kgs, Junior - Gold

9. Malsawmzuali,  Edenthar, - 51kgs, Junior - Gold

10. Rohit Kumar, Electric Veng,  - 67kgs, Senior - Silver

11. C Thangnunmawia, Edenthar, - 32kgs, Sub junior - Silver

12. Ngurlianzuala Sailo, Chawnpui, - 71kgs,  Senior - Bronze

13. Jenny C.Lalremruati, Edenthar, - 42kgs,  Junior - Bronze

14. Jacob Lalruatpuia, Zonuam, - 28kgs, Sub Junior - Bronze

• • • • • • 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ