Aizawl | May 31, 2025: Thli leh ruahsur vangin Mizoram chhung hmun hrang hrangah chhiatna hrang hrang a thleng a, hmun 147-ah lei a min a, hmun 69 -ah kawng pingin, nunna chan pali an awm!
Chhiatna thleng tam ber hi Leimin / lei tawlh niin, hmun 147 ah a thleng a, heng zinga tam ber hi serchhip district-ah niin hmun 96 a awm a ni. A dawt hi Lunglei district niin 20 a ni a, Hnahthial district-ah 11, Aizawl district-ah pakua, Lawngtlaiah pathum, leh Kolasib, Saitual leh Khawzawl-ah hmun khat theuh a ni.
In chhia leh In chim hi 56 a awm a, Serchhip district-ah 41, Lawngtlai-ah 6, Hnahthial-ah 3, Mamit-ah 2, leh Aizawl, Saitual, Khawzawl leh Champhai-ah 1 theuh a ni.
In rauhsan hi 63 a awm a, Serchhip-ah 55, Hnahthial-ah 4, Lunglei-ah 2, Aizawl leh Saitual-ah pakhat ve ve a awm bawk.
Road Block hi hmun 69 ah a awm a, Serchhip district-ah a tam leh ber a, 48 awmin, Hnahthial-ah 6, Aizawl leh Lunglei-ah 5 ve ve, Lawngtlai leh mamit-ah pahnih ve ve a awm a ni.
Retaining Wall chim hi pali awmion, Aizawl district-ah pahnih leh Serchhip leh Mamit-ah pakhat ve ve a awm bawk.
Mitthi zat hi Champhai-ah 3, Serchhip-ah pakhat a awm a, a vaiin pali an ni.
Sabereka khuangkaih hi hmun 3-ah awmin, Champhai-ah hmun hnih leh Mamit-ah hmun 1 ah a awm a ni.
Hei hi State Emergency Operation Centre (SEOC) in 31.05.2025 bik dar 4 thlenga District hrang hrang atanga chhiatna thleng report a dawn te a ni.
Post a Comment
He post chungchanga i ngaihdan lo sawi ve rawh: