Serchhip District-ah ruah sur nasa avangin chhiatna thleng; mi pakhatin nunna chan

Serchhip | May 31, 2025: Nimin May 30, 2025 atanga ruah chawl mang loa sur chuan Serchhip District chhung hmun hrang hrangah chhiatna a thlen a. Serchhip khaw chhungah leiminin chenna in a hnawl avanga nun chan pakhat a awm a ni.

Serchhip District a District Emergency Operation Center chuan Incident Commander Pu Lalrinzuala, Addl. DC kaihhruaina hnuaiah emergency meeting neiin ruahmanna rang takin an siam a. Hmun hrang hrangah feh chhuak nghalin harsatna thlenna hmun hi District thuneituten an tlawh a ni.

Kawng dinhmun: Serchhip atanga Sailiam inkarah leimin nasa tak pahnih- Sesah leh Tuikhuah Vengah a awm avangin kaltlang theih a ni lo a. Tuikhuah Vengah hian National Highway kawngpui chu eng lirthei mah kal theih lohin a bal/ hek a ni. Serchhip By-Pass road-ah hmun 5 ah leimin nasa taka a awm avangin kawng a hnawh phui nasa hle a. Heng kawng pawimawh lai te hi a tlang thuai theih nan hma lak mek a ni a. Lirthei tangkhang engemawzat an awm a. Report siam lai thleng hian a la tlang thei lo a ni. Chhingchhip - Thentlang kawng leh Thentlang - Sialhau te chu leiminin a hnawh ping a, lirthei tlan tlang thei turin hmalak mek a ni.

Power dinhmun: Serchhip power lakna a khailak a. Thirban tlu leh wire vuakchhiat a awm nual avangin eng pek chhuah ngam a ni rih lo.

Hriat theih china Serchhip District chhunga chhiatna thleng te:-

SERCHHIP DINTHAR: Dinthar vengah in 4 a chim a, a neitute an insaseng hman. Leimin nasain kawng a hnawh phui. Dinthar vengah hian lei a khik avangin in engemaw zat an inthiar chhuak mek a ni.

SERCHHIP P&E VENG: P&E vengah in 3 a chim a. Inthiarchhuak chhungkaw 4 an awm a. Lane hnuaiah kawng block hmun 4 ah a awm bawk a. Pu Ramzolura chu vanduaithlak takin a boral a ni.

SERCHHIP CHANMARI: Serchhip Chanmari ah in pahnih a chim.

SERCHHIP FIELD VENG: Chhungkaw 4 te chuan an chenna in luah zui ngam loin an chhuahsan.

SERCHHIP TUIKHUAH VENG: Baptist Biak In thlang Tuikhuah Veng, UPC Mizoram Pastor Quarters opposite lung rem a chim a College Bus a delh bawk a, leimin hian kawngpui a hnawh ping tep a motor a kal tlang theih loh. Kawngpui lian takin a bal bawk.

SERCHHIP CHHIM VENG: Chhim vengah in pakhat a tlu a, anmahni hi an awm ngam loh avangin an lo riak chhuak a, thi leh hliam an awm lo.

SERCHHIP AOC VENG: Chhungkaw pakhat an inthiar chhuak. Horticulture Office bula in sak lai leiminin a delh chhia.

SERCHHIP VENGCHUNG: In thiar chhuak chhungkaw 3 an awm a, hmun 8 ah leimin a awm.

SERCHHIP HMAR VENG: In pakhat luah ngam loin an chhuahsan.

ZOTE SOUTH: Zote South ah leimin in in pakhat a hnawl a, thi awm loin hliam tenau tuar chu pakhat a awm a, khawchhung kawng leimin hnawh a awm nual.

BUANGPUI: Buangpui khawchhung leimin a awm nual a, chhungkaw engemaw zat an inthiar chhuak bawk a, World Bank Road pawh leiminin a hnawh nual bawk.

NEIHLOH: Chhungkaw 9 in an in an chhuahsan

BUNGTLANG: Bûngtlang ah Pi Lalzarliani in chu lei tawlh in a hnawl.

BAKTAWNG: Baktawng leh Khumtung inkar - Arbai PWD kawng ah leimin leh lung tla.

Thenzawl: Tui lian nasa takin a thleng mek a, inthiarchhuak a

LUNGPHO: Hmun 20 velah leimin a awm a. Chhungkaw 5 an insawn chhuak

THINGLIAN: In pahnih thiah a ni.