~ Zairemthanga
Aizawl | May 14, 2025: Indo-Pak inkar buainaa a kaihruaitu ber pakhat, Muslim hmeichhe chhuanawm em em mai, chhe lo em em bawk si Colonel Sofia Qureshi chungchangah Madhya Pradesh Cabinet Minister Vijay Shah chuan a tawngkam a lo thlahdah deuh a, nasa taka a video a viral hnuah, 'kha video kha tih danglam a ni' tiin tan khawh viau mah se, mipuite lung a dam thei ngang lo.
Madhya Pradesh High Court pawh a sa deuh zak ni tur a ni. Suo-moto in he thil hi a ngaihtuah a, Madhya Pradesh DGP hnenah, 'a rang thei ang berin FIR ziak lut nghal turin a ti a, Advocate General hnenah pawh, 'engti kawng pawhin FIR ziah luh ngei ngei tur a ni tawp a ti. Justice Atul Shrigran kaihhruai Division bench hian Sofia Qureshi thlavang hi a hauh na hle. FIR submit turin darkar li chhung hun a pe.
Minister Vijay shah hi Madhya Pradesh BJP Leader a ni. A tawngkam a ngeiawmin a chuangtlai angreng hle a, hetiang deuh hi a tawngkam chu a ni. "Firfiakte bei turin an farnu bawk kan tir a, a ho zo vek alawm le!" a ti. A sawi awmzia chu mi sualte kha Muslim an ni a, Sofia Qureshi Muslim a lo ni ve bawk nen, hetiang tawngkam hi a hmang a nih a rinawm. Eptu Party-te chuan bang nghal turin an phut hlawm. "kan farnu huaisen tak mai hetianga a tih avang hian a bang nghal vang vang tur a ni" an ti. A tawngkam fimkhur loh man a hmu ngei dawn tih chu a chiang.
Kei pawhin ka sawi fo thin hi. India thikthu chhiat em em lai a ni a, post leh comment fimkhur a ngai takzet. Tum loh deuha Lung In tan theihna a ni tlat a ni.
Thlalak: Colonel Sofia Qureshi
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: