Aizawl | April 28, 2025: Lengpui dai-ah lungtla-in motor a delh a, mi pali an chuang nia hriat niin, a khalhtu dama lakchhuah a ni a, midang zawngin nunna an chan.
Thudawnnain a tarlan danin, Lengpui khaw dai, Pukpui tuikhawhthla bulah lung tla-in vawiin tlai dar 3:30 vel khan motor (car) pakhat - MZ 04 0330 chu lung tla hian a delh a, a chhunga chuang pathum an thi a, pakhatin hliam a tuar.
Mi 4 an chuang a, Lengpui damdawiin panpui an ni. Driver a dam a, mi dang an boral nia thu dawn a ni.
Cara chuangte hi Falkland veng an nia hriat a ni a, Mipa 2 leh Hmeichhia 2 an chuang a. Hmeichhe pahnih leh Mipa pakhatin nunna an chan.
Vawiina nunna chante hi chhungkua an nia, Lalrinliana, a nupui Lungtiawii leh an fanu Vanlalhruaii te niin, Falklang venga cheng an ni a, Lallawmzuala S/o Lalrinliana hi hliam tuarin lakchhuak niin, Lengpui damdawi inah first aid pek a nih hnuin Aizawl rawn pan pui a ni.
Lalrinliana te hi Falkland veng an nia, In an sa thara, chhungkua a luah luh tumin an fapa Dehradun-a lehkha zir mek leh an fanu Vanlalhruaii, Bethany Hospital Singapore-a head nurse hna thawk lai te chah hawin, an fapa Dehradun a awm hi motor dangah a chuang haw a, In a thleng tawh niin thu dawn a ni.
7:00 PM: An ruang hi Lengpui CHC-ah an awmpui mek a, tih fel ngai te tih fel mek a ni, Lallawmzuala hi Civil Hospital, Aizawl thlenpui a ni tawh.
News update mek a ni a, siam danglam leh siamthat hlek hlek zel a nih avangin, screenshot lovin a link share hram nise.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: