Cadet Ordination and Commissioning Service nei

Aizawl | April 28, 2025: The Salvation Army, India Eastern Territory Champions of the Mission session 2023 – 2025, Cadet mi-17 te chu ni 27th April 2025, Pathian ni Thianghlimna inkhawm ah Colonel Lalhmingliana, Territorial Commander chuan Salvation Army Officer atan nemnghehna leh tirhchhuahna (Ordination and Commission) a nei.

He Inkhawm hi Aizawl Temple Corps-ah buatsaih niin, Liuetenant Colonel Prakash chandra Pradhan Chief Secretary chuan program a kaihruai a, Colonel Lalhmingliana TC chuan Cadet 17 te chu Salvation Army Officer atan nemnghehna leh tirhchhuahna (Ordination and Commission) neiin, Lieutenant rank pek nghal an ni.

He Ordination and Commissioning programmes kaihhnawihah hian ni 4 chhung Program hrang hrang buatsaih a ni a. April ni 24 khan Officer Training College, Chapel-ah Covenant Service hun hman ani a, Cadet ten Thutiam lain an hming an ziak a ni. Ni 26th April 2025, Inrinni zan inkhawm chu Service of Praise-a hman a ni a, Training chhunga kawng hrang hranga tithate hnenah Award hlanna Colonel Lalhlimpuii TPWM chuan a nei bawk a ni.

Order of the Silver Star Fellowship chu April Ni 27, Pathianni chawhnu khan Booth Mansion Conference centre-ah Officer Commission thar nu leh pa te hnenah Silver star hlanna inkhawm neih a ni bawk a. Tin,Appointment Service chu Ni 27th April 2025, Pathian ni zan Chhandamna inkhawmah neih niin, Lt.Colonel Lalramliana Hnamte Personnel Secretary chuan inkhawm hi kaihruaiin, Lieutenants tharte appointment puan a ni nghal bawk a ni.