Aizawl | April 28, 2025: Vawiin April ni 28, 2025 (Thawhtanni) hian Khawzawl Zuchhip YMA Hall-ah 'Khawzawl District MNF V/C tling tharte chawimawina' hun hman a ni a. He hun hmanpuitu MNF Senior Vice President Dr R Lalthangliana, chuan February ni 20, 2025 atangin Mizoram pumah loneitu chhungkaw 8820-te Sawhthing thar chhuah quintal 72460 (singsarih sanghnih zali sawmruk) lei sak tawh an ni, a ti a.
Dr.Thangtea chuan Economic Survey 2024-25 tarlan dan sawiin, Sawhthing chinna ram acre 40,550-ah a chingtu chhungkaw 25327-ten an chin zat chu 169,395 quintals a ni a. Quintal khatah quintal 7 vel thar tura chhutin, Quintal 11,85,765 vel Mizoramin thar tur anga ngaih a nih thu a sawi. "ZPM sorkar hian an sorkar hmain rs.50/- in a rate an siam sa a, tunah hian quintal nuai 10 chuang zet lei lohin a la awm " a ti. 'Engtin nge an tih zel dawn?' tih zawtin, MNF sorkar sum hnutchhiah cheng vbc 150 atangin cheng vbc 40 chu health care-ah an dah a, pawisa ba rulh nan an hmang a, cheng vbc 110 thlai thar lei nan kan dah an ti a. 'Sorkarin kg khatah rs 30/- in kan subsidise sak dawn' an ti a. Heti zat subsidised-na hi thil inthup rapthlak tak, nakin lawka lang chhuak leh mai tur, sawhthing chingtute rawkna nasa tak a awm mai lawng maw ? tiin sorkar a zawt a ni.
MNF Senior Vice President chuan, "Tun hma kan kalphungah chuan rulling hian VC-ah 70,% 80% te an la thin a, tun sorkar ZPM chuan majority an la thei tawk chauh a ni. Sinlung Hills Council bial 12 awmah bial 7 kan la a, hmun thenkhatah kan party a mi thoten min din thuah chung pawhin hneh takin kan la tling thei. Local Coun 85 vel awmah keini kha chuan kan la fai deuh vek a, tunah ZPM chu an tling tawk tawk chauh a, an hun reilote chhung hian sorkar hnathawk leh mipui rin an hlawh tawh lo hle a ni," a ti bawk.
MNF General Secretary Lalremruata Chhangte, chuan 'Social Media pawimawhna' sawiin, Pu Saihnuna Sailo General Secretary chuan thu tawi a sawi bawk. Khawzawl hmuna Matar 65 zet awmna 'Martar Thlanmual'-ah pangpar an dah nghal a ni.
Inkhawm hi Pu B.Vanlalbiakzara President, Tuichang MNF 'N' Block chuan kaihruaiin, Pi Tlangmuampuii Adviser, Tuichang MNF 'N' Block chuan hunserh a hmang.
Dr.R.Lalthangliana hian Biate, E.Lungdar, Mualcheng leh Khawlailung-te tlawh hawin, hun reilote te a hmang nghal a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: