YMA dintu tupa in Central YMA a tlawh

Aizawl | March 10, 2025: Vawiin ni 10.03.2025(Thawhtanni) chawhma dar 10:00 ah khan YMA dintute zinga mi leh Treasurer hmasa ber Rev David Edwards (Zorema Pa) tupa Dr. Owain Edwards leh a fapa Joseff Edwards ten Central YMA Office an tlawh a, Central YMA President Pu Lalhmachhuana leh hruaitu dang ten an lo dawng sawng.

Dr Oswain Edwards leh a fapa te hian an pu, Rev David Edwards ( Zorema Pa) leh Zosap Missionary dang ten YMA an lo din chungchang leh tun thlenga YMA lo ding chho zel an hmuhin ropui an ti a, an ngaihlu hle a ni.

Central YMA hruaitute chuan YMA kalphung leh dinhmun te an lo sawi pui a. YMA hmingin ngaihhruina thil pek an lo hlan bawk.

Rev David Edwards( Zorema Pa) kha YMA Treasurer hmasa ber niin kum 1935, 1937 leh 1938 ah Treasurer a ni.