Diktawn Miss Chapchàr Kût 2025 Top 10 a hriat ta; March 13 zanah result puang dawn

Aizawl | March 8, 2025: Diktawn Monthly Magazine leh Miss Chapchàr Kût Organising Committe te hmalakna kal zelah Miss Chapchar Kût 2025 Top 10 te thlan chhuah an ni.

Nimin 7th March, Chapchàr Kût ni khan mi 50 chuang atangin Top 20 thlan chhuah an ni a, vawiin (08.03.25) hian Lal Thanhawla Auditorium-ah Top 10 thlanna neih leh a ni.

Miss Chapchàr Kût Top 10 te:-

1. Dolly Chhakchhuak, Phunchawng

2. Lalramengmawii, Bawngkawn S.

3. Lalruatfeli, Bawngkawn

4. Rengpuii Sailo, Ramhlun N.

5. Jasmine Lalhriatthari, Lawipu

6. Lalmuankimi, Maubawk

7. Amy Lalthasangi, Chanmari

8. Christina Zosangpuii, Armed Veng

9. Rody Vanlalruatfeli, Durtlang Leitan

10. Ruth Lalngaihsaki, South Vanlaiphai

Heng Top 10 thlan chhuahte hi Dt. 11.03.25 (Thawhlehni) hian Berawtlang-ah Shooting neihpuiin uluk zawka endik leh an ni ang.

March ni 13, 2025 (Ningani) zan hian Vanapa Hall-ah Result puanna, Grand Finale neih a ni ang.

March ni 13 zan Vanapa Hall Programme, Grand Finale hi LPS, Zonet leh YouTube-ah te Live-a pek chhuah tura ruahman a ni.

Miss Chapchàr Kût Top 10-te hi Instagram-ah vote theih an ni dawn a. Instagram-a Vote hmu sang berin People's Choice Award a dawng ang. Instagram Vote hi Judge pakhat anga ngaih bawk tur a ni.

Miss Chapchàr Kût hian Lawmman pawisa fai Rs. 50,000/- leh thildang neuh neuh a dawng ang a, Top 10-a lang zawng hian Rs. 10,000/- țheuh an dawng dawn bawk a ni.