ZoCareer Solutions-in Pre NEE / SMATEE 2025 result puan leh lawmna hlan hun hmang

Aizawl |March 10, 2025: ZoCareer Solutions, Chanmari chuan Mizoram chhunga Pawl 12 Science Subject zirlaite tana inelna a buatsaih Pre NEET/SMATEE 2025-a Top 10 a langte lawmpuina hun chu Conference Hall, Hotel Regency-ah an hmang.

He hunah hian Mizoram Youth Commission Chairman, Pu Malsawmzuala Ralte chuan khuallian niin hun a hman pui a. Khuallian chuan Zirlai kalkhawmte chu an hlawhtlin hma chuan, an nih tuma chiang hle turin leh thildang intihbuai tir miah loa a tawp thlenga bei zui zel turin a chah a ni. Mizo thalai tam tak, talent nei tha tak tak, a tawp thleng zolo an tam lutuk chu hnam angin a veiawm tak zet a. Zirlaite hian NGO leh Kohhran-ah pawh in hman dan chin tawk kan hriat a hun tawh thu sawiin, Taimakna, Tumruhna leh Tei reipeihna nen Thalaite khawvel thar chhawp chhuak turin a hnam ang leh Sorkar ang pawha theihtawp chhuah zel a tul thu a sawi a ni.

Tin, ZoCareer Solutions Founder Pu Lalhruaitluanga chuan he Exam buatsaih anih chhan sawifiahin, Zirlaite chuan Medical leh Technical Entrance Exam atan an lo inbuatsaih lawk theihna atan leh tawn hriat tha zawk an neih theihna tura buatsaih a nih thu sawiin, Zirlaite chu Midangte tana malsawmna ni turin a chah a. Tin, Mizoram mai nilo, National Level thleng pha theuh tura inbuatsaih turin zirlaite chu a chah a ni.

Program hi Tv. RK Hnuna Director, ZoCareer Solutions chuan kaihruaiin, Major. Richard Vanlalnghaka, Territorial Youth Secretary, IET chuan hunserh a hmang a. Tv. Lalchhanchhuaha Academic Head, ZoCareer Institite chuan Technical Report a pek bawk a ni.

Pre NEET/SMATEE 2025- a Top 10 te hian Pawisa fai leh lawmpuina thuziak an dawng a ni.