Lengpui Airport tichangtlun tur thu Home Minister-in NGOCC hrilh

Aizawl | March 15, 2025: Non Government Organisation Coordination Committee (NGOCC) chuan Home Minister hmuin, Lengpui Airport tichangtlung tur thu Home Minister-in NGOCC hrilh niin thuchhuah siamin an tarlang.

Vawiin tlai khan NGOCC a tel pawl hrang hrang - Central YMA, MHIP leh MZP hruaituten Mizoram tlawha rawn zin mek, Union Home Minister Pu Amit Shah chu Raj Bhavan ah hmuh a ni a. 

Pawl hrang hrangte hian an ngaihpawimawh thil chi hrang hrang kan sawi pui hlawm a. Chung zingah chuan Lengpui Airport tih changtlunna tur sum ruahman sak tur leh tichangtlunna tura ruahmanna siam turin an ngen a.  Union Home Minister hian Lengpui Airport chu tihchangtlun a duh thu leh a ngaihpawimawh thu sawiin Airport Authority of India (AAI) in buaipui tur thu a lo sawi a. Thla thum chhungin AAI hian thil tul zawng zawng an buaipui ang a, thla ruk chhungin tihchangtlun hna an thawh tan tur thu a sawi bawk. 

NGOCC chuan, "Hetianga kan ram rohlu te zinga mi, Lengpui Airport tihchangtlunna tura ruahmanna siam a ni hi NGO Coordination Committee chuan lawmawm kan ti a, Union Home Minister Pu Amit Shah chungah lawmthu kan sawi tak zet a ni."

"Lengpui Airport tihchangtlunna tura theihtawp chhuaha ngaihtuahna sengtute leh mipuite tanrualna avangin lawmthu kan sawi tak meuh a ni." tiin NGOCC chuan thuchhuah siamin an  tarlang.

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ