Aizawl | March 15, 2025: ZORO-in Union Home Minister Amit Shah hnenah Manipur State a Zofaten Separate Administration an neih theihna tur leh Free Movement Regime leh Border fencing chungchang an thlen.
Ni 15, March 2025(inrinni) khan Mizoram rawn tlawh a cham mek Union Home Minister Amit Shah chu Zo Re-Unification Organisation (ZORO) hruaitute chuan Aizawl Raj Bhavan-ah lo hmu in Zofate tana pawimawh hrang hrang ziakin an lo thlen a ni.
Manipur state a Zofate leh Meite inkara buaina awm chungchang thlen a ni a. Zofaten harsatna kan neih thu te, Manipur state chhunga Zofate leh Meitei te chu Administration khatah awm ho a harsat tur thu te leh Zofaten Separate Administration hran kan neih theih nana hma la tura ngenna thlen a ni.
Union Home Minister hnenah hian hun rei tak lo hman tawh Free Movement Regime (FMR) chu tih tawp a ni a, ramri paltlang tumte tan border pass a phutna chu India chuan 1st January 2025 khan a hmang tan a. He dan hian harsatna nasa tak min thlen a, hemi chungchang ngaihtuah nawn leh a, Free Movement Regime dah leh turin ngen a ni. Tin, India sorkar in Indo-Burma ramri hung a tum chungchang thlen a ni a. Indo - Burma border hung a nih chuan a chhehvel a cheng Indigenous people ten harsatna nasa tak an tawh tur thu te, unau kan inthendarh tur thu te, Indigenous people te tan zalen taka inkal pawh hi UNO in kan dikna chanvo min pek a nih thu te thlen a ni bawk.
Union Home Minister hmuhnaah hian ZORO hruaitute - President R Sangkawia, Treasurer Michael Lalthanmawia, General Secretary L Ramdinliana Renthlei leh General Secretary Lalnunfela Chawngthu te an kal a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: