Aizawl | March 15, 2025: Central YMA hnuaia Ruihhlo Do tura din Central Anti Drugs Squads (CADS) member lawmluhna hun hmang.
YMA Rorel Inkhawm vawi 4-na ni 24.10.2024-a R.Dengthuama Hall-a neihin "Ruihhlo Do kawngah YMA-in tun aia chak zawkin hma la rawh se" ti a alo rel tawh angin Central YMA hnuaia ruihhlo do tur Central Anti Drugs Squads (CADS) chu dinthar leh a niin vawiin 15.03.2025 hian Central YMA Hall, Tuikhuahtlang ah an mahni lawmluhna hun hman a ni.
He hun hi Prof Malsawmliana, General Secretary Central YMA in kaihruaiin Pu M.S Ralte Fin.Secretary Central YMA in hunserh a hmanga, Pu Fabian Lalfakawma Asst.Secy Central YMA in inhmelhriattirna hun a hmang a ni.
Pu Lalhmachhuana, President Central YMA chuan lawmluhna hun hman pah a thusawiin Kan ram ah hian tunhnaiah Ruihhlo in nasa takin min chim chho mek a, heti reng a kan kal chuan kan ram a thalai te hi ruihhlo in min suat nasa hle dawn a ni. Hetiang kan nih avang hian kan ram leh hnam dinchhuah leh na turin nang leh kei hian mawhphurhna kan nei a ni ti a, Pathian rinchhan chunga ke kan pen zel chuan Ruihhlo nena kan indona ah hian hnehtu kan ni ngei ang tiin CADS member tharte hi a lawmlut a ni.
Pu Roneihthanga, Treasurer Central YMA leh CADS Convener in lawmthusawiin hun hnung a chang a ni.
CADS-ah hian Aizawl khawpui chhung Branch hrang hrang atangin member 42 awm in Convener tur hi Pu Roneihthanga, Treasurer Central YMA a ni ang.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: