TUNA HETA I AWM HIAN CHHAN A NEI

_I Tawpna Tur Hmuchhuak Rawh_

By Rick Warren 

— Feb 5, 2025

“Lal nihna i lo chan hi hetih hun atân ngei hian a ni dawn lawm ni?" Esther 4:14

Mi ṭhenkhat chuan Pathianin thuhriltu leh missionary te leh thlarau mite chauh Pathianin a koh a ni an ti. Nimahsela Pathian chuan tu te pawh min koh a ni. Pathianin kan zavai hian kan nundanah danglam turin min koh a ni. Thil buaithlak chu ṭhenkhat hi chuan phone kan chhang thei lo hi a ni.

Nangma hamṭhatna tur ngaihtuahin i tihtur leh tihloh tur i ngaihtuah fel ngawt thei lo. Pathianin a siamchhan che i zawt zawk tur a ni. Tichuan nitinin Pathian duhzawng i ti a ni tih nemnghehna Bible ah i zawng dawn a ni.

Pathian kohna chu tun hi chhan hun a ni!

Kohna chhanna chuan thih leh dam chauh a hril lo. Estheri tan phei chuan chu aia nasa zawk chu a ni, thih emaw dam emaw aiin chatuan nun a khawih vang a ni. Midangte ṭanpui chauh hi kan sawi a ni lo. Chatuan nun hawlhtlang kan sawi zawk a ni. Kohna i dawnah chuan chanchin ṭha hril a tel a ni - Isuan a hmangaiha, anmahni chhandamtu leh ṭhian a ni a. Pathian an hriat theihna turin a thi a, kumkhuaa a hnena cheng turin a duh che a ni.

Pathian chuan atana ṭha turin engkim a ti ṭhin. Pathianin ti tura a tih che leh kal tura a tihna che apianga i kal hian Pathian tan i thawk ve tihna a ni ang.

Esther 4:13-14 ah chuan, "Modekaia chuan Estheri chu "Juda mi zawng awngten an pumpelh loh tûr chu lal tih inring suh. Tun hun anga i ngawih mai mai chuan hmun danga Judate tan nang leh i pa chhûngte chu kan boral ang; lal nihna i lo chan hi hetih hun atân ngei hian a ni dawn lawm ni?" va ti tûrin a tir a.”

Mordekaia khan Juda nula, naupang leh rethei tak kha tihpalh thil thua Persia lalnu a ni lo tih a hrechiang a ni. Pathianin chu dinhmuna a dahna chhan chu - chutih hun lai atan chuan a ni ang tih a ring a ni.

Pathian chuan i nun tawpna hun a nei a. Tun thlenga a hruaina cheah hian chhan a nei a ni. Pathianin ti tura a kohna che i hriat duh chuan, i zawt ang a i ngaithla dawn nia.

Ngaihtuah zui atan

* Engvangin nge mi tam tak hian Pathianin anmahni chauhin an tihhlawhtlin theih ti tura koh an nihna hi awih harsa an tihna chhan nia i hriat?

* Pathianin ti tura a duhna che i tih theihlohna chhan hi eng nge nia i hriat?

*I nuna thil lo thleng te hi tihpalh thil thu a lo thleng a ni lo tih i pawm hian i ngaihdan engtin nge a thlak danglam?

*[Lettu: Sangpuia]*