THIL ENGEMAW TAK CHU I TIH ANGAI A NI

_I Tawpna Tur Hmuchhuak Rawh_

By Rick Warren 
— Feb 4, 2025
“Chumi hunah chuan i ko vang a, tichuan LALPAN a chhâng ang; i au vang a, tichuan anin, "Heta hi ka awm," a ti ang. In zinga ta nghâwngkawl te, zungtanga mi kawh te, sual taka tawng te hi i tihbo va, Riltamte tan i inphal a, tihretheihte i tihtlai bawk chuan, i eng chu thim zingah a eng chhuak ang a, i thim mupna chu chhun ang a ni tawh ang.” Isaia 58:9-10

I chhehvel i han thlir vel hian eng hian nge i rilru tihnual che? Eng nge i rilru natna, inthliarna nge, harsatna dang zawk, chu chuan, “Hei hi chu a dik lo!” a tihtir che em? Ti thei ni ta la, in khawtlang han thlak danglam nghal i duh ang em? Zanlaiah engin nge tiharh ṭhin che? Engin nge tibuai ṭhin che?

Mi tu emaw talin an hun tawngah engemaw tak an tih a ṭul hun a awm ṭhin. Dik tak chuan, mi pakhatin eng emaw tak a tih loh chuan engmah a thleng thei lo a ni.

Chutiang chiah chu Estheri chungah a lo thleng a, Hamanan Estheri chipui zawng zawng te thah a tum khan a thleng a ni. Estheri chuan, “Mi tuemaw talin thil engemaw tak chu an tih a ngai!” tiin a ngaihtuah a—chutiang tak chuan a che a ni. Esther 4:4 ah chuan, “Estheri chu, a nulate leh a pindan vengtute chuan an va hrilh a, tichuan lalnu chu a lungngai ta êm êm mai a, Mordekaia chu a saiip puan hlip a, a sin tûrin a puan a thawn a; nimahsela a lo duh lo va.” Judate thah vek tur thu a hriat khan Estherin a mite ṭanpuina turin engkim huamin a che a ni.

I nun ril taka tibuai ṭhin an awm em? Ka ring a ni! Miin eng thil mahin min tibuai lo an tih chuan, mahni hmasial leh mi dang laka inthiar fihlim daiha hun hmang an ni tlangpui. Mahni chauh inngaihtuaha i khawsaka engmahin min tibuai lo an tih chuan, i nunah chuan nghawng an la nei lo tihna a ni. 

Pathian chuan buaina tawkte leh thil engemaw tak tih tumte chu thutiam ṭha tak a pe a ni: “Chumi hunah chuan i ko vang a, tichuan LALPAN a chhâng ang; i au vang a, tichuan anin, "Heta hi ka awm," a ti ang. In zing ata nghâwngkawl te, zungtanga mi kawh te, sual taka tawng te hi i tihbo va, Riltamte tan i inphal a, tihretheihte i tihtlai bawk chuan, i eng chu thim zingah a eng chhuak ang a, i thim mupna chu chhun ang a ni tawh ang.” (Isaia 58:9-11). 

I hun tawpna tur a ṭhen azar i hmanna tur chu Pathian ṭhatzia i tem tur hi a ni. Kawng khat tala ke i pen theihna chu Pathian malsawmna i dawn aṭanga i insemchhuah hi a ni. Chutianga i hun i hman chuan, mi dang i chawikan theihna tur leh i hmangaih theihna turin Pathian ṭhatna hmanchhuah tum rawh.

Buaina i tawk a nih chuan thil eng emaw tak ti rawh.

Ngaihtuah zui atan

* Thil pakhat buaina i tawnah eng thil mah i tih theih si loh i nei em? Vawiinah hian Pathianin engnge hrilh che a tum le?

* Pathianin a bik taka malsawmna a dawntir che a awm em? Eng vangin nge chutiang chuan Pathianin mal a sawm che nia i hriat?

* Pathianin Isaia 58:11-ah nangmah mamawhtute tana i penchhuah chuan Pathianin thil ṭhain a titlai ang che a ti a. Thil ṭha chu engte nge ni ang le?

[Lettu: Sangpuia]

Post a Comment

He post chungchanga i ngaihdan lo sawi ve rawh:

Previous Post Next Post