PZP Aizawl-in hruaitu thar thlang

Aizawl | Feb 23, 2025: Nimin khan Pang Zirlai Pawl, Joint Headquarters Aizawl Kum 2025 - 2026 hruaitu thlan leh rorel neih a ni.

Rorèl inkhawm hi Nimin khan Pang Zirlai Pawl, Joint Headquarters Aizawl Asst. Secretary Lalthanmawia'n kaihruaiin, Secretary Gabriel Lalchhanhima hnen aṭangin report ngaihthlák nìin, Treasurer Lalenkawla hnén aṭangin Treasurer report ngaihthlak ni bawk.

He hunah hian PZP General Headquarters President Albin Lalhruaitluanga chuan thusawiin, PZP chu zirlaite leh Pangfa hmun hrang hrang chênga khawsa mékte tán theihtàwp a chhuah ṭhin thute sawiin, Pangfate'n harsatna chhiat ṭhat an tawhin a ensan ngai lo va, theihtàwp a chhuahpui ṭhin thu te a sawi a. Sawi chhunzawm zêlin, Zirlai Pawl kan nih angin zirna ngaipawimawh a ṭùl thu kal khâwm te a chah a ni.

Rorêl inkhawm zawh hian kum 2025 - 2026 hruaitu inthlanna neih a ni a. Heng a hnuaia mite hi Kum 2025 - 2026 chhúnga  hruaitu atana thlan tharte an ni.

President: Vanlalfakhlua

Vice President: Fellic Zaihmingthanga 

Secretary: Joshua Lalvensanga

Asst. Secretary: Laltlanzuali

Treasurer: Vanlalpianglawmi

Fin. Secretary: Lalhmachhuana

PZP Joint Headquarters, Aizawl, President thlan thar Vanlalfakhlua'n thusawina hun neiin, Pang fate chu hnam rethei leh baihvai tak kan nih thu sawiin, zirna kawngah pawh mi dang kan pha lo fo va, mi dang thlen chin kan thleng pha lo fo. Chuvàngin, mi dang te an thatchhiat pawhin kan thatchhiat ve a thiang lo va, kan thlen chinah mi dang aia hna kan thawh nasat a, theihtàwp kan chhuah a ngai a ni a ti a. 

Pangfa Aizawl-a awm ten harsatna kawng hrang hrang an tâwk ṭhin a, hruaitu hmasate'n theihtàwp chhuahin an lo buaipui tawh ṭhìn a, an hnung zuiin kawng tinréngah hmasâwn tumin ṭan kan la dáwn a ni tiin kal khâwmte a chah a ni.

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ