Aizawl Day Vawi 135na pualin Aizawl hming putna hmunah hun hmang

Aizawl | Feb 24, 2025: Aizawl Day Vawi 135na pualin Aizawl hming putna hmunah Aizawl Mihlun Thlahten hun an hmang.

Kum 1950 china, Aizawla inbengbel tawh, an tu leh faten V. Thanga In, Dawrpui-a pawl an din, Aizawl Mihlun Thlahte chuan naktuk February ni 25, Aizawl Day vawi 135-na lo thleng tur pualin tukin hian Aizawl hming putna hmun, Raj Bhawan kiangah urhsun takin hun an hmang a, Aizawl hming chawi chhan 'Aiting hnah' tlem te la awm chu humhalh tha an ti. Helai hmunah hian Mizoram Sorkar chuan kum 1990 khan Aizawl Centenary Lung a lo phun tawh a, lungphun hmun tihfai hnatlang an nei. 

Aizawl Mihlun Thlahte chuan Aizawl Day vawi 135-na lo thlen pual hian, Aizawla mi cheng nuai 5 te chibai an buk a, Aizawl chu hmarchhakah pawh khawpui thang chak tak anih avangin; khualzin mite hip zawnga khawpui nuam a siam zel tur leh tupawh dawl zo tura inbuatsaih tur leh faina kawnga hmasawn zel tura mitin ten lak a tul thu an tarlang. Aizawl hi kum 1890 February ni 25 khan British ho in; Aizawl Fort an din a, chu chu Aizawl dinni ah Mizoram Sorkar chuan a pawm.