Mizoram CM-in Tuivai leilak a hawng

Aizawl | Feb 23, 2025: Mizoram CM Lalduhoma chun zani chawhnung khan Mizoram le Manipur infena pawinaw Tuivai leilak chu a hawng.

Hi leilak hi, 'unity bridge' inbuk a ni a. MT 20 neka rik tlan phal a ni nawh.

Mizoram CM chun, Tuivai Leilak dâwna ding hin a tender chu kha ti lovin a sawrkawr chun Nuoi 500 an sanction thu a hril a, mipuiin an sawr vat theina dinga daw zo vat chu an thil tum lientak a ni thu hrilin hi leilak hi Pherzawl District le Mizoram mipuihai thlungzawmtu, inpumkhatna le inunauna intluntu ni mawl sien tiin a hril.

Lalduhoma chun, "Tuivai leilak hi mipuihai sawr dinga dâw a ni ang hrimin tax dâwl khap tlat a ni ding thu a hril bâkah hi leilak a hin sawrkar le khawtlang thil khap, thil ṭhalo mihriem nun le thlarau nun suksietheitu thil hai hrim hrim phur lawn naw hram ei tiu tiin mitin a fiel. Tuivai leilak chungchang a hril zoin Mauchar Road khawm hrilsa in, Mauchar Road siemṭhatna dingin Rs. 3.76 Cr pêk dawk a ni ding thu a hril a. Department tienga mawphurtu han sin chu an ṭan vat ding chu a hril a. Mauchar lampui bâka hin Vairengte le New Vervek inkâr lampui tak tak khawm siem a ni ding thu, survey thaw mêk a ni thu, hi lampui enkaina sin thawtu dingin *Bhavya Construction Pvt. Ltd.* chu thlang an ni thu, hi lampui a dingin Rs. 13.68 Cr kan siemfel tah tiin a hril bawk.

- Muona Infimate