Chin hnam pawl hnihin inremna ziak; 'Chin National Council'-ah inchhunfin dawn

Aizawl | Feb 26, 2025: Chin hnam roreltu pawl hnih - Chinland Council (CC) leh Interim Chin National Consultative Council (ICNCC) ten vawiin khan Aizawl-ah inremna an ziak.

Hakha khua, Myanmar

Administrative council pahnih te hian,  'Chin National Council' a inchhun fin an remti.

He inremna hi Advocacy Group for Peace kaihhruainaa neih niin, pawl hnih te hian Administrative Council pakhata awm nise an ti a. Vawiin khan, Administrative Council hming thar atan 'Chin National Council' tih nise tiin lungrual takin an pawm tlang a ni.

Chin National Council rintlak tak a awm theih nan Chin National Constitution Drafting Committee pawh an din nghal a ni.

 INREMNA THUTIILUNG 

Keini Chin State, Myanmar ram chhunga Chin (zofate) zingaAdministrative Council pahnih - Chinland Council (CC) leh Interim Chin National Consultative Council (ICNCC) hruaitute chuan, hetia Chin State chhunga pawl pahnih (2) awm hi tha kan ti lova. Administrative Council pakhata awm nise kan ti a. Administrative Council hming thar atan 'Chin National Council' tih nise tiin lungrual takin kan pawm tlang a ni.

 Chin National Council rintlak tak a awm theih nan Chin National Constitution Drafting Committee pawh din nghal a ni. Chin State chhunga Zohnahthlakte in unauna tha a awm zel theih nan Chin State mipui zawng zawngten, he thu tlukna hi thinlung taka pawm vek turin kan in sawm a ni.

(Salai Men Nyo) Team Leader, Negotiation Team, Chinland Council

(Thang Ning Kee) 2nd Leader, Negotiation Team, Chinland Council

(Jacob V. Z wma) Coordinator, Negotiation Team, Chinland Council 

(Salai Lian Luai) Presidium, ICNCC/CB 

(Salai Hosea) Presidium, ICNCC/CB 

(Nay Lm Aung) Presidium, ICNCC/CB 

Advocacy Group for Peace Dated : 26th February, 2025