Aizawl | February 25, 2025: MZP General Headquarters chuan Mizoram chunga hna lak leh hna thawh tur awm hrang hrangah induhsakna awm thin chu pawi a ti a. Hetiang hi thleng nawn tawh lo se MZP chuan a duh a ni.
MZP chuan thuchhuah siamin, "Tun hnaiah Mizoram a hna latu sang ber Mizoram Public Service Commission (MPSC) a an hotu pakhat-in, UD&PA hnuaia hna (Works) pakhatah a duhsak zawng hna pek a nih theih nan MPSC letter head hmangin sawipuina lehkha (recommendation) a ziah chu Social Media-ah a darh a. Hei hi MZP Extended OB Meeting chuan pawi a tiin, hriatthiam har a ti hle a. Mizoram a hna latu sang ber MPSC zahawmna humhim zel a nih theih nan leh MPSC hian fair taka hna an lak zel theih nan hetiang thil hi thleng nawn tawh lo se a duh a. MPSC hnuaia thawktute pawh lo fimkhur zel turin a ngen nawn a ni." an ti a.
He lehkha darh-ah hian MPSC Secretary letter head hmuh a ni.
MZP chuan thuchhuahah hian, "MPSC a thawktute chu dik leh fair taka awm tur leh, pawn lam thilah pawh inhnamhnawih lo tura ngaih leh beisei an ni a. An Pisa-ah pawh mimal thilah inleng nei lo tur hiala ngaih an ni a. Hetiang thil thleng avang hian, hnungthak inhiah tawnna thil pawh awm thei a nih avangin, MZP chuan MPSC a thawktu zawng zawngte fimkhur zel turin a ngen tak meuh meuh a ni." an ti
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: