Buarpui | January 31, 2025: Vawiin khan ZPM Party President Pu Lalliansawta, Vice President Pu C.Lalnunnema leh Lunglei West bialtu MLA Pu T.Lalhlimpuia te chuan, february ni 12, 2025 a VC inthlan lo awm tur atan Lunglei West bial, Buarpui tlangdunga khaw hrang hrang fangin, ram leh khawtlang hmasawna rualkhai taka a kal theih nan Sorkar lai Policy fawng chelhtu ZPM Party VC Candidate te thlan tlin ngei a tul thu an tlangaupui a ni.
 |
| T Lalhlimpuia |
Buarpui tlangdunga a thusawinaah, ZPM President Lalliansawta chuan,"ZPM Party lo din chhan chu kan rama development kai rual loh vang leh ram rorelna felfai tawk loh vang a ni bera, chu chuan khawtlang thlengin nghawng nasa tak a nei a ni. Opposition VC awmna hmun thenkhatah chuan Sorkarin khawtlang hmasawnna tura ruahmanna a siamte lo tikhawlhkham duh an awm tlat a ni. Chuvang chuan kalphungthar mipui Sorkar hmalakna mipui hnen tha zawka a thlen theih nan ZPM Party VC kan neih ngei a tul ta hle a ni. ZPM Party a lo din hnu hian kohhrana Pathian rawngbawltuten ram veina thinlung an lo pu thar ta hle a, Lal Nehemia'n Jerusalem a tungding leh ang khan kan ram siamthat a tulzia hriain, Pathian rawngbawltu mi tam tak he party ah hian an lo haw khawm mek a, kan ram tung ding leh turin ke kan pen ho mek a ni," a ti.
 |
| Lalliansawta |
ZPM Vice President C Lalnunnema, pawhin thu sawiin,"Khawtlang level-a Sorkar kut leh ke VC member ten rilru dik tak an put loh chuan hmasawnna a thuanawp duh hle a, chu vangin kan khawtlang theuh hmasawnna ngaihtuah chungin Sorkar lai Policy tuipui tur VC kan mamawh hle a, Politics hi mahni hamhaina a ni lova, midangte tana inpekna a ni,' a ti.
Lunglei West Bialtu MLA T Lalhlimpuia pawhin thu sawiin,"Opposition party te hian Sorkar lai an beih thinna hmanruate hi an hrechiang lo hle a, an mahni mawng an hlim mek a ni tih hi an hre lo ni berin a lang. Sorkar hmasate hun laia ruahmanna dik tawk lo leh felfai tawk lo te vangin min bei mek a ni. Mahse Pathian leh mipui ten thil awm zia hi an hai bik lo a, a vawtuten ek an cheh mek a ni. ZPM Party hian Pathian chakna ringa ram siam that kan tum em avangin, kan hnathawhte mipuiin an hmu chho mek a, tun VC inthlan lo awm turah pawh hian hnehna sang tak min pek an tum mek a ni," a ti.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: