NECS Chairman-in North East Young Entrepreneur of the Year Award dawng

Aizawl | Jan 25, 2025: Nizan a Times of India in a buatsaih 2nd Business Awards semna chu Gauhati Hotel Taj Viventa-ah neih a ni a. NECS Chairman leh Aizawl Football Club Directorni bawk Vanlalfelpuia Royte chu North East Young Entrepreneur of the Year Award dawng tura thlan anih angin Bollywood Film Star Sharman Joshi’an he Award hlu tak hi a hlan a ni.

India rama Media House lian berte zinga mi Times Group leh an partners te buatsaih Times Business Awards hi category hrang hrangah North East a mi hlawhtling Times Awards dawng tlaka thlanchhuah te pek an nih thu Dr Soumen Chief Organiser chuan sawiin Awards dawng turte hi kiltina zirchianga an thlan a nih thu an sawi.

Felpuia Royte hi NECS in states 3 - Meghalaya,Nagaland leh Mizoram state-a hmasawnnana an thawhhlawk avangte,Aizawl FC tana sum thawha India Team leh Club lian hrang hranga khel tur Players tam tak an chherchhuaka thalai tam tak eizawnna an siam avang leh sum leh hamthatna hmuhlet tur awmloah midangte an tanpui thin avanga he Award hlu tak hi Vanlalfelpuia Royte hi hlan a ni.

Media ten an kawmnaah Felpuia Royte chuan a Award dawn chu Pathian hruaina vang leh a thawhpuite zar a ni tihsawiin a chhungte supportnaah lawmthu a sawi bawk.