Aizawl | January 25, 2025: Nimin, Tahrik 24.01.2025 (Friday) khan, Pu Jeje Lalpekhlua, President ZPM Ṭhalai Headquarters, South Tuipui bialtu MLA ni bawk chuan Village Council inthlanpui neih turah, a bial chhung (South Tuipui) ah hun hmangin,Tuipui 'D' a tlawh a, party mipuite nen inkawm hona leh VC inthlan lo awm tur puala infuihtharna hunte an hmang a, he hunah hian ZPM zawm thar mi 14 ZPM Party-ah a lawmlut nghal a ni.
He huna thu sawitu, ZPM Ṭhalai Headquarter President, South Tuipui Bialtu MLA ni bawk, Pu Jeje Lalpekhlua chuan "Tuipui 'D' ZPM-in, VC inthlan atana Candidate tha tak tak an vawrh chhuak chu lawmawm " a tih thu a sawi a, ZPM VC Candidate te an tlin ngei theih nan, an mahni Candidate bakah party workers (thawktute) taimakna leh thawhrimna nen rinawm taka theih tawp chhuah tlang turin a chah a. VC inthlanah vanneihna kan lo chang a, kan tling a nih pawhin tumah chapo lo tur te, an mahni siamtute hre reng thin turin a chah a ni.
*Bialtu MLA chuan MLA inthlanah khan intiamkamna nei miah lovin a Campaign thin tih sawiin, a intiamna awm chhun chu "ZMC a Bial mipuite tana in luah a ni" tiin hei pawh hi MLA a nih hnu reiloteah tihhlawhtlin a nih thu a sawi a. Intiamkamna tel lova taimakna, rinawmna leh dikna nen a campaign chu a tlo ber a ni tih hre reng turin a chah a ni.VC ṭha chuan, intiamkamna nei kher lo pawhin khawtlang tana ṭha leh ṭul te hriain rinawm leh dik takin khawtlang rawngbawl hna thawkin,hmasawnna tam tak khawtlang tan an thlen thei ṭhin, chutiang a khawtlang hmangaih thei tur VC Candidate an neih avangin a lawm thu a sawi bawk a, khawtlang hmangaihtu VC neia hnehna chang ngei tura rinawm taka theih tawp chhuah zel turin kalkhawm te a fuih bawk.
South Tuipui bial khaw thenkhatah VC inthlan buai ngai lova Mizorama rorelna fawng chelhtu ZPM chu, chuhpuitu an awm lo chu lawmawm a tih thu a sawi bakah sorkar-in ram mipuite tana hmalakna a neih kawng hrang hrang sawi bawkin, Sorkar hmalakna leh thiltihte hre tura Media lama ram hruaitute thusawi ngaithla thin turin party mipui kal khawmte a chah bawk.
He hunah hian Pu J. Ramthianghlima, President South Tuipui Block-I ZPM pawhin thusawina hun neiin, Bialtu MLA Pu Jeje Lalpekhlua hi South Tuipui Block-I ZPM hruaitu te'n an tawiawm a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: