Aizawl | Jan 25, 2025: North East Regional YMCA Meeting pawimawh tak chu vawiin January ni 25, 2025 (Inrinni) chawhmadar 11 :00am khan Mizoram House Shillong-ah neih a ni a. Dr R Lalthangliana hian NE Regional YMCA Chairman nihna hi kum 8 lai (term 5 lai) a lo chelh tawh hnuin a term a lo tawp ta a. Vawiin khan Chairman thar Dr. Andrew Ahoto, Dimapur hnenah charge a hlan. Office Bearer thar leh Executive Committee member thar thlan chhuah nghal an ni.
Hruaitu tharte Pathian hnena hlanna hun hi Most Revd. Dr. P Lyngdoh-in Mizoram House Conference Centre-ah a nei. Hemi zawh hian North East Regional YMCA meeting neih zui nghal niin, Agenda pawimawh tak tak sawiho nghal a ni bawk.
Shillong-a hmarchhak Kristian thalaite puala ram neih dante leh hmarchhak State hrang hranga Kristian Thalaite kawng hrang hranga thawhhona tha zawk neih zel nan, hmalakna tur chi hrang hrangte sawiho nghal a ni.
Meeting neih zawh hian Chawlhlui kilhona neih nghal a ni a. Dr Thangtea Out Going Chairman hian thusawina hun tha tak neiin, NE thalaite thawhho that a tulna te, harsatna tam tak an sut tlante leh tul tam tak awmte an hmachhawnnaah Inlungrualna tha nen thawh chhuah a tul zel thu sawiin; kum 8 lai NE Regional YMCA Chairman a lo nih tawh chhunga State hrang hranga YMCA-ten an tawiawm tawhnaah lawmthu a sawi nghal bawk a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: