Durtlang Leitanah Ram kang thelh leh chhanchhuah hna thawh dan lem chang

Aizawl | January 31, 2025: Vawiin chawhma dar 11:00AM khan Environment, Forest & Climate Change (EF&CC) Department huaihawtin Durtlang Leitan-ah Mock Exercise on Forest Fire neih a ni.

Mock Exercise of Forest Fire kalpui dan tur duan lawk angin Dar 11:00 AM khan Durtlang Leitanah ram kang a awm a. He hunah hian Ram kang thelh, mihring leh ransa chhanchhuah hna thawh dan a takin kalpui a ni. Mock Exercise on Forest Fire-ah hian Durtlang Leitan YMA leh Village Council te, QRT of Aizawl DDMA, DFO, Aizawl Forest Division, PCCF office, Police, Traffic, Fire & Emergency Department, Synod Hospital, Durtlang, Veterinary Hospital, Selesih, DM&R, I&PR, NDRF, SDRF, MPRO leh Sports & Youth Services Adventure Wing te an tel a ni.

Disaster Site-ah hian Pu Lalnunsanga Khawlhring, DFO, Aizawl Forest Division chu Site Incident Commander a ni a. State Fire Control Room, Chief Wildlife Warden Conference Room, MINECO atangin kangthelh leh chhanchhuah hna thawh dan te PCCF Pu Ashok Kumar Biswal, Senior EF&CC Officer te, Senior Police Officer te, F&ES official te, DMR official, I&PR official te leh Observer ten live video feeds, wireless WT message leh phone call kaltlangin an vil a ni.

Site Incident Commander leh Staging Area Manager ten Mock Exercise an tih tawp hnu hian State Fire Control Room-ah Debriefing session neih a ni nghal bawk.