Sialhawk | December 13, 2024: Vawiin khan Sialhawk khua, RL Memorial House-ah MIFCO kal tlanga sorkarin kum 2023 a Lakhuihthei leina man a bat chu Kaphungthar Mipui Sorkar hmalaknain MIFCO Chairman Lalthazuala Rawite in a pek tlak saka, kuthnathawktute hnenah hlan a ni.
ZPM General Headquarters Media & Publicity Department chuan thuchhuah siamin he thu hi an tarlang a. MIFCO Chairman Lalthazuala Rawite chuan thusawiin, "Sorkar hmasa hunah khan Sialhawk Lakhuithei kha theih tawpa buaipui a ni chungin, a hralhna hriat mai loh ho kha MIFCO ah dah a ni a, MIFCO lamin pawisa an neih leh neih loh pawh ngaihtuah lovin thuneitute atanga thupek an dawn angin kalpui a ni a. Khatihlai khan Lakhuithei leina man tur MIFCO in a lo nei si lova, kuthnathawktute tha hah man sorkar in a lo ba rei hle a, a pawi hle in ka hria. MIFCO lama ka thawhpui ten thil awmzia min hrilh a, Chief Minister hnenah kan harsatna te ka thlen zui vat a ni. Chief Minister hian, kuthnathawktute thei man bat sak chu tha a ti lo a, a rang thei ang berin pawisa min ngaihtuahsak a, kuthnathawktute hmangaihtu Chief Minister nei lo i la in Thei leh Thlai man ba hi kan pek theih che u ka ring lo, Chief Minister chungah lawmthu kan sawi a ni", a ti.
MIFCO Chairman chuan, "Fruit Juice Concentration Plant, Chhingchhip a mi chu tunah hian kan chei bawl tha leh mek a, Bungbangla-ah Meat Processing Center leh Bottling Plant Sairangah kan chei thar mek bawk a ni. A hmasa atan Sapthei pawh nakkum lamah chuan sawngbawl theih kan inbeisei a, Lakhuithei pawh sawngbawl tuma buatsaih mek a ni. A sawngbawlna khawlte hlui hlawn rei tawh a nih a vangin siam ngai a tam tawh hle a, kuthnathawktuten MIFCO hmalakna kan chhawr leh theih thuai ka beisei a ni", a ti bawk.
Sialhawk Lakhuithei hralhna sorkar hmasa hunlaia MIFCO kal tlanga sum bat sak te hi chhungkaw 52 anni a, Sialhawkah hian chhungkaw 250 zetin Lakhuihthei an ching a ni. J Rampanmawia, Sialhawk Pineaple Grower Society chuan he hun hi a kaihruai a, Lalthazuala Rawite hi MIFCO General Manager Pu Zosangliana leh Eddie Lalhmangaihzuala Huha, Secretary ZPM Gens. Hqrs. ten an tawiawm a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: