Aizawl | Dec 13, 2024: MZP ngenna avanga AMC in fixed pay-a mi 4 an lak tawh a sut leh (revoke) hi lawmawm an tih thu MZP General Headquarters President H Lalthianghlima chuan vawiin khan a sawi.
MZP General Headquarters chuan vawiin ni 13 December, 2024 (Zpirtawpni) chawhnu dar 2:00 khan, kum 2024 atan a MZP Pisapui kharna hun MZP Conference Hall-ah an hmang a. MZP Vice President C Lalremruata'n hun a kaihruai.
Kumin 2024 atana MZP Pisapui kharna hunah hian MZP President Pu H. Lalthianghlima chuan thu sawiin, MZP Pisapui hi khar mah ila, Zirlaite leh Ram leh Hnamin min mamawhna zawnah chuan engtiklai pawhin hma kan la reng dawn a ni a ti a. MZP-in hmachhawp kal lai mek a neih hrang hrangte pawh ngaihven zui reng a ni ang a ti bawk.
MZP President chuan, kumin 2024 chhung zawnga Mizo zirlaite tana MZP hmalakna hrang hranga tawiawmtute chungah lâwmthu a sawi a. Kum tharah pawh tawiawm zel turin a sawm nghal.
MZP President chuan, Aizawl Municipal Corporation (AMC) hnuaia hna hrang hrang lakah advertisement pawh chhuah lova, duhsak zawngte thun a ni hi MZP chuan kan hrethiam lova. MZP ngenna avanga AMC in fixed pay-a mi 4 an lak tawh a sut leh (revoke) hi a lawmawm kan ti a. Hetiang hi thleng nawn tawh lo se kan duh a ni a ti.
"MPSC hnuaia hnalak hrang hrang sawi hlawh tak takte pawh kan enzui zel dawn a ni" a ti bawk.
MZP Pisapui hi kum thar, ni 14 January 2025 hian a duh apiangte dawr theih turin hawn leh a ni ang.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: