Falkland khawtlangin kawng tla hniam hnatlangin siam

Aizawl | December, 14, 2024: Falkland Local Council huaihawtin vawiin khan Falkland khawtlang chuan, RIMAL a vanga an veng chhunga World Bank road kawng zatve zet tla hniam chu hnatlangin a an siam.

Chhim lam mamawh chawk luhna ber hi he lai hi falkland LC leh all NGO te nen, DC leh PWD hotute hovin vawi tam en leh sawikhawm a ni tawh a, Nimahsela vawin ni thlengin siam that leh hmalakna a la awm lo chu khawtlang hruaitu leh mipui ten an hnatlang a siam mai an rel ta a ni.

Tun hnai khan a chhe zual nasa hle a, Local council te pawhin vawi tam an siam tawh thin a, sawrkar in sum sen pawh kan pe let leh ang che u ti mahse sum hi cheng khat mah sawrkar atangin an la hmu let lo a ni.

Two wheeler te tun lai hian accident nasa hle a, Truck te pawh a let mai hlauhawm khawp a a awm tak a vangin, khawtlang mipui ten sum thawhkhawm hmangin, Local councils te huaihawtin hnatlang a siam a ni ta a ni. khawtlang mi inpe te sum thawhkhawm hi cheng sing 7 zet a ni tawh a, sum hi a la rawn lut reng a, traffic erawh a ti buai nasa hle a ni.

Falkland khawtlang chuan an veng chhung kawng an siam chungchang ah te, chhiatna nasa zawk leh nunna hial te chan palh theih a nih avangin, mipui nunphung an tih khawih lakna ah mipui te hriatthiamna an ngen tak meuh meuh a ni.