Aizawl | November 12, 2024: Mizo Zirlai Pawl General Headquarters, Aizawl chuan Meitei firfiak pawlte’n tun hnaia, Jiribam district Zairawn khuaa Zosangkim Hmar (31) nasa taka an sawisak hnua, rawng taka an that zui hi hriatthiam har a ti hle a. Tunlai khawvelah hetiang thil thleng hriattur a awm hi, ngaihtuahna nei lo, ran ang maia khawsaknaah MZP chuan a ngai a. A dem takzet a ni.
Manipura chi leh chi inkara buaina chuan thla sawmpakua (19) lai a awh tawh a, buainain ziaawm lam pan tawh tur a beisei a nih laiin Meitei firfiak pawlte tharum thawhna leh pawisak neihlohna chuan buaina a ti punlun leh mek a. Zofa Hnam pasaltha mi sawmpakhat (11) laiin Jakhradwar, Jiribam-ah nunna an chan leh ta hi MZP chuan pawi a ti takzet a ni.
Zofate luah chin ram pawng nek a, rûntu hmelma lak atanga ram veng himtu, hnam Pasalthate MZP chuan zahna chibai a buk a. An thisen chu a thlawnin a luang ral lovang.
MZP chuan remna leh muanna ti thuanawp zawng leh buaina ti punlun zawng a Meitei firfiakte hmalakna hi titawp nghal turin firfiak pawlte a ngen a. Rawng taka an hmalakna hi tunlai khawvelah eng hnam leh ram mahin an pawm theihloh thil a nih avangin, India ram hmel pawh a ti bal takzet a. Heng firfiak pawlte chu a rang thei ang bera tudai turin Central sawrkar pawh MZP chuan a ngen takzet a ni.
Tan bik nei lova, ban phar tur a ngaih CPRF-te, Jiribam district a an chet dan chuan CRPF leh Manipur sawrkar bakah India hmel a tibalin a ti mualpho hle a. Mualphona tawpkhawkah MZP chuan a ngai a, CRPF-te chetdan hi MZP chuan a dem takzet a ni. CRPF te chu; a ram mipuite chunga rawng taka che thin, tualthattu anga Zofaten an hre reng tawh tur hi MZP chuan pawi a ti takzet a. Hetiang thil tisualtu hi a rang thei ang bera zawng chhuaka an phu tawk hremna pe turin MZP chuan Home Ministry a phut bawk.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: