HARSATNA KARA KE PEN DAN PALINA: I TITAK ZET A NI TIH PATHIAN HNENAH LANTIR RAWH

_Sawinghin rual loh_

By Rick Warren 

— Nov 13, 2024

“Chaw ngheiin, saiip puan te, vaivut te nen tawngtai leh dilna zawng zawngin Lalpa Pathian lam chu ka hawi a.” Daniela 9:3

Daniela bung 9 ah hian Daniela tawngtai dan atangin harsatna kan tawh laia tawngtai dan kan hmu a ni. Pathian hnenah thu kan sawi hmain kan hnenah thu kan sawi hmasaktir tur a ni tih kha a hma lamah kan zirho tawh a nih kha. Pathian lam kan hawi anga, amah chu kan zawng tur a ni. Tichuan, kan duhna leh kan rilru zawng zanwg pawh kan phawrh tur a ni.

A dawtah chuan, Pathianin tawngtai a chhan thin chu thinlung leh tihtak zeta tawngtaina hi a  ni. Pathian hnenah i mamawh chu i hriattir ve a ngai a ni. Rilrua lang thut emaw ngaihtuah chhuah thut emaw a ni lo. Pathian hnenah a tulzia chu i lantir ve a ngai a ni.

Danielan Pathian hnenah a thil dil pawimawhzia kha kawng thumin a tilang a ni. “Chaw ngheiin, saiip puan te, vaivut te nen tawngtai leh dilna zawng zawngin Lalpa Pathian lam chu ka hawi a.” Daniela 9:3

Daniela thiltih hmasak ber kha kan zirho dawn a ni: Chaw a  nghei a ni. Thlarau lam inthununna atana chawngheina hi kum za chuang lai mai kan hmu tawh a ni.

Isuan tawngtai leh chaw ngheina atang chauhin thilmak a thleng thei a ti a, tawngtaina chauh a ti lo a ni. Eng vang nge? I chawngheina chuan i tawngtainaah i titak hle a ni tih Pathian i hrilh tihna a ni.

Mosian Dan Sawm pek a dawn hma khan chaw a nghei a ni. Israelte khan indona lian an hmachhawn dawn khan vawi tam chaw an nghei a ni. Pathian hnen atangin thurawn a dawn theih nan Daniela khan chaw a nghei a ni. Nehemian kulh a dinthar leh dawn khan chaw a nghei a ni. Isuan thlemna a hneh theih nan chaw a nghei a ni.

Tunlai hian, kan duhzawng tak mai chaw kalsan harsa kan tih avangin chawnghei hi kan sawisel thin a ni. Chu chuan, chaw ngheina phena thiltihtheihna awm hi kan hrethiam lo tihna a ni - chaw kan nghei hian kan thiltih ni lo vin kan duhna kan lantirna leh tlawmna kan lantirna a chhanlet dan hi a ni pawimawh zawk a chu.

Chaw ngheina han sawi hian thil dang pawh a kangkai tel a. Tawngtainaah i rilru i pek theih nan thil dang nghei emaw kalsan emaw pawh i nei thei a ni. Entirnan, TV emaw social media emaw a i hun hman thin ang aiah khan tawngtaina hun atan i hmang thei a ni.  

Thildang engnge nghei theih tur i neih le?

Ngaihtuah zui atan

* I tawngtainaah chuan i titak zet a ni tih Pathian hnenah i lantir theih nan eng thil te nge nghei theih tur i neih le?

* I thil nghei mek laia i thil ngheiin a tibuai che a nih chuan, Pathianin engti turin a duh che i rin ?

* Tawngtainaa i thlen fo thin Pathianin a la chhan loh che engnge awm? I tawngtainaah chuan chaw nghei tel i inhuam em? 

*[Lettu: Sangpuia]*