YMA Rorelna sanga rel tur zingah, 'Chhiatni thatni kaihhruaina ennawn tura rawtna' a tel '

Aizawl | Sept 11, 2024: Vawiin ni 11.9.2024 (Nilaini) chawhma 10:30 am khan Central YMA Hall, Tuikhuahtlang ah YMA rorelna sang, Central Co-ordination Committee ( CCC) meeting vawi 100-na neih a ni a. Meeting hi Pu Lalhmachhuana, President Central YMA in a kaihhruai.

Meeting ah hian Prof. Malsawmliana, General Secretary in Report leh Inhmelhriattirna hun a hmang. CCC Meeting ah hian Central YMA hruaitute bakah Sub- Hqrs , Group leh Aizawl khawpui chhung Branch aiawh mi 252 an tel.

CCC meeting ah hian October 24, 2024 ( Ningani) a R. Dengthuama Hall-a YMA Rorel Inkhawm vawi 4-na a ngaihtuah tura thu (Agenda) lut te thlitfim a ni a. Agenda zingah YMA khawih 8 leh Sawrkar khawih 5 te Rorel Inkhawmah chhawp chhuah tura pawm a ni.

Hrmi bakah hian Central YMA Budget 2024-2025 ruahmanna pawh Rorel Inkhawma pharh turin pawm a ni bawk a; Chhiatni thatni kaihhruaina ennawn tura rawtna pawh Rorel inkhawm ah chhawp chhuah tura pawm a ni bawk.

CCC meeting hi vawi 100-na a nih angin hemi pual hian hun hman a ni bawk.