THLEMNA I TAWH CHUAN KALSAN RAWH

_Hunbi Hrang Hranga Ṭhan Dan_

-  Rick Warren 

-  Sep 4, 2024

“Mi fing chuan a hlauthawng a, sual a kalsan thin a; mi a erawh chu a intihuai a, mahni a inring thin.” (Thufingte 14:16)

Mi tupawhin kan hriat chu, khuai inzuktir i duh loh chuan tlanchhe rawh tih hi! I kâng duh lo a nih chuan mei bul hnaiah awm suh! Khâm atanga tlak i duh loh chuan han lawn suh!

Heng atanga kan sawi tum ber thlemna chu hnai takah i tawk theia a pawimawh zawk chu engtin nge i tlanbosan ang tih zawk hi a ni.

  

Thufingte 14:16 chuan, “Mi fing chuan a hlauthawng a, sual a kalsan thin a; mi â erawh chu a intihuai a, mahni a inring thin.” Thlemna chu i do hneh theiah i inngai maithei e, nimahsela fiamthuna chi a ni lo. Ngun taka chhut a ngai a ni. Thlem i awlsam berna hun leh hmun i ngaihtuah a ngai a ni. Chumi hnuah chuan chu hun leh hmun atang chuan i theih dan ang anga i kal bo a ngai a ni.

Bible chuan thlemna atanga tlan chhuak turin min duh a, “Ka awm dante ka ngaihtuah a, i thu hriattir lamah chuan ka ke ka pen ta a.” Sam 119:59. Nangmah ngei kha i tlan chhuah a ngai a nih chuan tlanchhuak mai rawh. Potiphara nupuiin Josefa a thlem khan, a kawrah a pawt a, chu pawh chu Josefan a tlanchhiatsan a nih kha.

Chumi awmzia chu, i awmna atang khan chhuak la. Thlemna tlan chhuahsan rawh. Awm khawmuang suh.

Thlemna i tawk a nih chuan, boruak thlak tum rawh. Rimawi ngaithla la. Kein kal chhuak la. Bible chhiar la. I ringtupui i thian bia la. I thlemna boruak chu tihchhiat tum rawh.

Awmze nei miah lo chu hei hi a ni: Sual nen inhnial buai tum lem suh. Engkim i chân mai ang. Kum tam tak atang khan inhnial khân tur chu a ngaihtuah tawh a a hre lutuk. Sawi buai duh suh. Insawifiah tum lo la. Hnial hnial lo la. Awmze neiin chu boruak chu tichhe rawh.

A ngai bawk sawi nawnin bul tan lo la, “Ka duh lo! Ka duh thei lo!” Hawi kual la! Rilrua beih i tum poh leh, buaina zakhua a chhuak a ni mai.

Thlemnaa i lut a nih pawhin, hnial buai tum lo la. Kal bosan la, thil dang ti daih rawh.

Ngaihtuah zui atan

* Engtikah nge emaw eng hunah nge thlemna i tawh? Sumdawnnaa avanga zinnaah nge?  I fate sikul an kal hlanin inah i tawk nge? Kar tawpah nge? TV i en laiin i tawk zawk?

* Chung chu kal bosan turin nangmahah eng nge thlak danglam ngai, i eng nge paih ṭhen ngai?

* Chung thlemna atang chuan i chhuak mai thei lo a nih chuan, eng hmanrua nge hman ngai ta ang le? 

*[Lettu : Sangpuia]*