Electric Veng kawng bal vangin chhungkaw 90 chuang chak lakna buai!

Aizawl | September 4, 2024: Electric Veng kawng bal vangin chhungkaw 95 chak lakna a buai dawn.

Tukin dar 3:35 khan lam khan Aizawl Electric venga Hebron panna kawng kawi lai tak chu minin a bal a, he kawng bal vang hian chhungkaw 95 te tan lirtheia an veng chhung leh in panna a buai a, chak lakna a buai vek dawn.

Kawng a bal tak avang hian, Hebron veng chhung pan tur hian Step chauh a awm a, zirlai sikul kal tur, Gas lakna leh chakkhai lakna a tibuai hneh hle dawn a ni.

Vawiin khan DM&R Minister leh Aizawl North III bialtu MLA ni bawk K Sapdanga chuan vawiin khan a hmunah tlawhin veng chhung hruaitute nen hmalak dan tur an sawiho nghal.

Helai lei min hi a chetna a rei tawh a, nimin lamah pawh lirthei eng emaw zat chu an lo indahchhuak tawh bawk a ni.

Tun dinhmunah, Electric Veng Hebron lam hi lirthei a pan ngaihna a awm rih lo.

Nimin khan AMC a Geologist te leh khawtlang hruaituten an en a, tlai ruahsur hma aṭanga a sur hnu, thim thlengin Local Council te nen Silpauline in khuh a.

Nimin leh vawiin kham Bialtu MLA leh DM&R minister Pu Khawlhring Sapdanga pawhin a rawn tlawh tawh a. Bialtu Corporator Pu Rosiamngheta Hauhnar an hmunah an tlawh.