Mizo film thar, 'Sernung' tlangzarh a ni; Mipuiin an hlut!

Aizawl | Sept 13, 2024: Tlaizawng Visual Production film thar Sernung chu 14th September, 2024 khan Vanapa Hallah Raymond Colney, BISP in a tlangzarh.

Sernung hi mipuiin an hlut hle a, tlabgzarh zana entu zingah, "ka lei ang a, ka en leh ang," tia sawi pawh an awm.

Tlangzarh zan la la hian Lersia Play ah lei theihin a awm nghal a ni.

He filmah hian Mizoram zaithiam lar Zaii Hauchhum a inlan a. A film Original Soundtrack (OST), 'Thawnthu Hlui' pawh amah vek hian sain August ni 10, 2024 zan khan tihchhuah a lo ni tawh nghe nghe.

'Sernung' film-ah hian Mizoram Film Industry a kan la hmuh ngai loh hmel thar ṭhahnem tak kan hmu a. A changtute Sumeon Malsawmdawngkima leh Esther Laldinpuii te pawh hi film danga kan la hmuh ngai loh an ni.

He film hi thla thum chhung shooting neih a ni a. Aizawl, Khanpui, Saitual leh Keifang khuaah te shooting hi neih a ni .

Director hi Duha Ralte niin, Co-Director hi John Laltluangliana Chhakchhuak a ni a. Director of Photography hi Daama Chawngthu a ni. Cinematographer hi Paul Samson Chhakchhuak leh P.C Vanlalhruaia (Teeva) te an ni a. Production Manager hi Zothanpuii niin, Producer hi Lar16 a ni. Co-producer hi C.Lalsiampuia a ni.

A film genre hi Suspense Thriller a ni a. Lersia Play lamah hian English Subtitle dah tel a ni a, hnam dang te tan pawha en theih tura buatsaih a ni.

A film hi mi thar tam tak inlanna ni mahse en a manhla khawp mai a, chutihrual chuan, helaiah chuan chumi scene chu awm se aw, tih vawwg vawng tur a awm. A changtute an chang thiam a, an thawhhona ṭhat zia a lang a, theihtawp an chhuah tih a hriat.

A film hi darkar 1 leh minute 39 vela thui a ni a, a film chungchang hi Lersia lamag hetu hian a inziak, "Mihringin nunna hi infiamna atana a hman chinah chuan ramsa nen kan danglamna a wm lo. Bumna, tualthahna, vauna, uirena, phatsanna leh hmangaihna inchawpawlh karah chuan tunge mifel ni a, tunge misual ni ta pawh thliar hran a har a. Mihring hian, puanzar phenah, hmaikawr hlipa, hmel leh nihna zawng zawng kan pholan chiah hian sakawlh nen kan danglam lo fo." tiin.