Aizawl | August 8, 2024: Mizo Zirlai Pawl (MZP) General Headquarters, Aizawl chuan vawiin khan thuchhuah siamin, Mizo kutthlaktu BSF te chet dan a dem a, Mizo thlavang hauh lo Mizoram Police inenfiah turim duh!
BSF ten Zirsangliana Bangladesh a a chhungte a tlawh rawn haw lam ni 5 August, 2024 ah nasa taka an nghaisa hi hriatthiam har a ti hle a. BSF te chat duh dan hi MZP chuan a dem takzet a ni.
"20 Bn. BSF B.O.P Crocodile, Inspector Harish Sankar Rai leh a ho ten, ramria Zirsangliana an sawisa ngawt mai hi MZP chuan eng vang nge tih sawifiah turin a duh a. Zirsangliana FIR pawh lo dawn sak duh lo mai ni loin, Mizo thlavang hauh lova BSF ṭan ngar ngartu Mizoram Police hotu liante pawh inenfiah turin MZP chuan a duh," thu thuchhuah siamin a tarlang.
Nimin ni 7 August, 2024 (Nilaini) khan MZP General Headquarters Pisapui-ah, MZP General Headquarters hruaitute leh Interim Chin National Consultative Council (ICNCC) hruaituten Meeting an nei a. He Meeting hi Pu H. Lalthianghlima MZP President in a kaihruai.
Meeting-ah hian, Chin State Myanmar ram chhunga Zofa hnam hrang hrangte inkarah thawhhona ṭha tak a awm theih nan leh inpumkhatna a awm theih nan hmalakho zel dan tur sawiho a ni.
MZP chuan Chin State chhunga Zofa hnam hrang hrang inkarah, innghirnghona awm mek hi ṭha a ti lo a. Thawhhona tha tak a awm theih nan, ICNCC hi a Meeting pui a. Hun remchang hmasa berah Chinland Council leh Chin Brotherhood bakah pawl dang dang pawh a meeting pui dawn a ni.
Meeting chuan, MZP-in Chin unaute kara inremna a awm theih nana a hmalakna chu tha a ti a. Unau leh Unau karah policy inang lo mahse tharum thawh loh nise tih te, remna a awm theih nan hmalak chhunzawm leh Myanmar rama remna leh mipui sawrkar a din theih nana theih ang anga thawhho nise tihte rilru inhmu taka sawiho a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: