Aizawl | August 9, 2024: Mizoram Home Minister K Sapdanga leh Assam Border Protection & Dev. Minister Atul Bora te kaihhruaiin, 'Goodwill Mission' kaltlang a Mizoram - Assam Inter-State Border Meeting, vawiin chawhnu a State Guest House-a neih ah a ni.
He thutkhawmna ah hian Land Revenue & Settlement Minister Pu B. Lalchhanzova, Home Secretary Pu Vanlalmawia, Addl. Secretary Pu Joseph H. Lalramsanga leh Home department official-te an tel a. Assam Sawrkar aiawh hian Border Protection and Development Minister Pu Atul Bora hi Principal Secretary, Border Protection and Development Department Pu Gyanendra Dev Tripathi, IAS; Secretary Pi Prabhati Thaosen, IAS; Director Pi Subhalaxmi Deka, ACS leh mi pawimawh dangten an tawiawm bawk a ni.
Goodwill Mission hnuai a thutkhawmna neih zawh hian thutharlakhawmtute nen inkawm hona hun neiin thuchhuah intawm, Joint Statment hnuai ami ang hian siam a ni.
JOINT STATEMENT
He thuchhuah intawm (joint statement) hi Mizoram leh Assam Sawrkar aiawh inbiakna, August ni 9, 2024 a State Guest House, Aizawla neih kaltlanga siam niin, Pu K. Sapdanga, Home Minister, Mizoram leh Pu Atul Bora, Border Protection & Development Minister, Assam te'n hming an ziah hnan a ni.
1. August ni 9, 2024-a Mizoram Sawrkar leh Assam Sawrkar inkara 'Goodwill Mission' Aizawl, Mizorama neihah hian February ni 9, 2024 a Assam leh Mizoram Chief Minister te'n State pahnih inkarah inhriatthiamna leh duhsakna nena ramri buaina chinfel a nih theih nan inpekna nghet tak nena hmalak thin ni se tia thu an dah chu nemngheh nawn leh a ni.
2. State pahnihte chuan ramriah remna leh muanna vawn chhunzawm zel ni se, thil duhawm lo a thlen loh nan hmalak ni se an ti a. Ramri hnaih District thuneitu ve ve te'n a khat tawkin Joint Cultural and Sports Festival-te buatsaih thin se, hemi tur hian January ni 31, 2025 ral hma ngeia hmalak ni se an ti.
3. State pahnih aiawhte chuan thutkhawm hmasa lo neih tawh te atang a thuchhuah intawm siam tawhte tih hlawhtlin nan hmalak zel an tum a. Hmachhawp hrang hrang siam tawh te tih hlawhtlin nan Sawrkar Official-te bawhzui tur a tih a ni a. Chung hmalakna bawhzuina ennawnin thutkhawmna neih thin tur a tih a ni. Minister kaihhruai thutkhawmna hi March ni 31, 2025 ral hma ngeia neih leh tur a tih a ni.
4. State pahnihte hian ram dang atanga kuhva ro tawlh chungchangah tumah ngaihnathiamna nei lova khauh taka hmalak chhunzawman rem an ti.
5. Assam leh Mizoram inrina bialtu Deputy Commissioner-te leh Superintendent of Police ten inter-state border (ramri hrul) ah remna leh muanna a awm reng theih nan thla tin virtual meeting neih rem tih a ni a, thla 6 dan ah dawhkan kil a thutkhawmna nei thin tur a rel a ni.
6. State pahnih a palaite hian ramri buaina chinfel kawng ah ramri hrul a chengte an pawimawh zia hria in an ni nen a tha taka thawhho a tul tih an pawm a, ramri kaihhnawih buaina leh harsatna a awm reng rengin ramri hrul a cheng mipuite leh a kaihhnawih zawng zawng ten anmahni thu a hma la nghal mai lovin thuneitute hnen ah thlen thin se tih a ni
Assam Sorkar leh Mizoram Sorkar aiawhte ramri chungchanga State Guest House-a vawiin (9.8.2024) a an inbe tur chu Kawlphetha awm loh avangin a hunah ṭan theih a ni lo.
Inbiakna hi dar 4 a tan tura tih niin, Assam Sorkar lam hotu an minister Atul Bohra chuan dar 4:05 velah inbiakna tur hmun rawn thlengin, Mizoram lam leader K Sapdanga'n thilpek a pe zo Atul Bohra-in a pek letve dawn laiin current a awm lo.
Generator on mai tura an tih chuan generator a on theih loh nia sawi a ni. Dar 4:38 ah current hi rawn awmin, thilpek inpek chhunzawm a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: