JOY Heyball International Open Thailand Stop 2024-ah Larina Renthlei

Aizawl | August 31, 2024: JOY Heyball International Open Thailand Stop 2024 khelh mekah Mizoram Snooker & Billairds Assosication (MSBA) player Mizo tlangval Lalrina Renthlei khel vein, Round of 32 a inhlang kai.

JOY Heyball International Open Thailand Stop 2024 khelh mekah hian Round of 32 inhlangkai Lalrina Renthlei hi tluang takana khelh laiin vawiin khan a chak chhunzawm zo ta lo a ni.

JOY Heyball International Open Thailand Stop 2024 hi August 26, 2024 atanga khelh tan niin round of double elimination Group stage ah Malaysia Player Loh HaO Juan leh Singapore player Zhong Wei Tan te hnehin knock out round a thleng.

Lalrina Renthlei hian, Round of 64-ah hian Singapore player tha Darren Young chu deciding ah a hawlh thla leh a.

Round of 32 ah Thailand National Player Tawan Pooltong chu Decider frame ah hneh lo in Pre quarter final ah lut zo ta lo a ni.

Mizoram mai ni lo, India ram hming timawi tura thawkchhuak Tuikhuahtlang pa Lalrina Renthlei chuan, "Heyball hrim hrim hi ka vawikhat khelhna a ni a, India ramah kan la khel ve ngai lo hrim hrim a ni," a ti. Hetiang a ni chunga khawvel hriata player hriathlawh tak tak te karah round of 32 a inhawlh thleng hian Lalrina Renthlei nep loh zia leh a ropui zia a pholang chiang hle a ni.

Heyball hi English Pool Table-ah American Pool Ball lian hmanga khelh a ni. Heyball hi cue sports zinga hmasawn chak ber pawl a ni a. SEA Games leh Asian Games-ah te pawh telh a lo ni tawh a. Olympic 2032 Australia-ah pawh a tel ngei beiseina a sang hle a ni.

Lalrina Renthlei hi Mizoram Snooker & Billiards Assoviation (MSBA) player pawimawh leh Joint Secretary ni lai a ni.