THIL DIKLO KAN HMUH CHUAN ISUA LAM MIN HAWITIR SE

_Hun Rei Daih Thil Ngaihlu Tura Nun Buatsaih_

By Rick Warren 

— July 2, 2024

"Mi felte chu an au va, tin, LALPA chuan a lo hria a, an manganna zawng zawngah chuan a chhan chhuak ta a.” Sam 34:17

Tunlai chu hmun hrang hrang aṭangin hei hi i hriat ka ring: Mi hi an ṭhain an fel em em hlawm a, an chhehvela an thil hmuhte hian sual lamah a hruai mai ṭhin a ni zawk.

Vanduaithlak takin mihring nun mawi tak ni ṭhin kha kan chetzia te nen hian a inrem ta ṭhinlo a ni. Naupang i neih chuan hei hi i hria ang. Mahni hmasialna hi an pianpui deuh tawp a. "Chaw min barh rawh," "min duat rawh" tih leh "keimah chauh min ngaihsak rawh" tihte chu an ṭawngkam hman lar a ni. 

Mihring te hi a nihna takah chuan kan sual hran lo va, amaherawhchu tunlai chhanah hi chuan mihring inrahbehna a tam tawh hle a ni. Mi dang kan rapbet a, kan inchhek ngah ṭuna, mi dang aiin keimahni ta tur rinngawt kan buaipui ṭhin a ni. 

Pathian chuan khawvela mihringte chu min hmu a, hetianga ṭawng ang hian ngaihtheih a ni a, “Ṭha niin inhria a maw? Mihring nunphung chu duhamlo niin inhria maw? Ka inhnukdawk ang a mihring chuan a zia tak tak chu khawvelah hian han chhuah teh se. Ka tel lovin engtin nge an awm tehreng i en teh ang.”

Naupang leh khawtlanga thil thleng hi chu tun dinhmuna kan chenho meknaah pawh hian a dik a ni. Nang leh kei hi vawi tam dik lo taka rorelsakin kan awm tawh a. Mahse i ngaihtuah ngai miah loh thil ka hrilh ang che, nang leh kei hian vawi tam mi dang chungah dik lo takin ro kan relsak ve tawh tlat a ni.

Dik lo taka mi dang chunga kan thiltih pawh hi Pathian chuan mak a ti lem lo. A nihna takah chuan, hei hian Isua kan mamawhzia a tilang zawk a ni.

Dik tak chuan, Pathian tel lo chuan, mihringte hian dik lo takin ro kan inrelsak ṭhin a ni. Chu chu dik lohna leh hleih neih taka rorel bulṭanna a ni - thunei taka mi dangte rahbehna te, retheihna leh chi leh chi inthliarna thlengin a ni.

Engtikniah emaw hleih nei taka roreltute chu Pathianin an chungah ro a la relsak ve dawn a ni. Pathian chu a dik a, mi chunga ro kan relsak dan ang hian kan chungah ro min la relsak ve dawn a ni. 

Chuvangin zahngaihna kan mamawh ṭheuh a ni. Kan vai hian mi dang chungah dik lo takin kan ti fo ṭhin a ni. Dik lohna avanga tuartu chauh kan ni lo va. Mi dang chunga dik lo taka titu pawh kan ni ve tho a ni.

He dik lohna hian Pathian kan mamawhzia a tilang a ni. Mihringte hi ṭha ila chuan Pathianin a Fapa chu krawsa thi turin a lo tirh a ngai lo vang. He khawvela hlei nei taka rorelna hian mihringte hi keimahnin kan nung thei lo va, Pathian kan mamawhzia a tilang chiang hle a ni.

Dik lo takin ro i rel leh a nih chuan, hei hi hriat nawn lehna a ni: Tu te pawh hian - nang leh kei tiamin - Isua kan mamawh a ni.

Ngaihtuah zui atan

* Dik lo taka titu te chu engtin nge i tih ṭhin?

* Engvangin nge mihringte hian kan nihphung hrim hrimah hi chuan kan ṭha a ni tih an sawi?

* He devotional thu hian he zawhna i chhan dan turah engtin nge a puih ang che, “Engvangin Pathianin mihringte hnenah thil ṭha lo thlentir a phal?”

*Vawiinah hian Isua i zui ang em?*

Pathianin a thatna chu Fapa, Isua Krista kaltlangin a tilang tawh a. Bible chuan, “Pathianin khawvel a hmangaih em em a: Chutichuan a Fapa mal neihchhun a pe a, amah chu tupawh a ring apiang an boral lohva chatuana nunna an neih zawkna turin” a ti. Johana 3:16

Chatuana in nun theih nana Pathian thutiam chu ring turin i inpeih em? I inpeih a nih chuan, hetiang hian tawngtai rawh: “Ka sualnate ka puang a, ka Lalpa leh Chhandamtu atan Isua hi ka pawm e. I hnung zuia, i rawngbawl ka duh e. Ka nun tlawm tak hi ka hlan che a, i angchhunga min pawma min chhandam ve turin Isua hmingin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawh tanna atana pawimawh te a thlawnin ka lo thawn ang che.

*[Lettu: Sangpuia]*