Thazuala Khelo India Athlete-ah thlan a ni

H. Lalthazuala, s/o H. Zohmangaiha, Chanmari West, Aizawl, Mizoram chu Khelo India Athlete (Badminton discipline) ah thlan thar a ni. Thazuala rual hian midang pahnih, Rushendra Tirupathi leh Pranauv Ram N. te thlan tel an ni bawk.

July ni 1, 2024-a Khelo India Talent Development (KITD) department-in thuchhuah an siam ah Thazuala hi Khelo India Athlete atana thlan anih thu leh, Pullela Gopichand Badminton Academy-ah admit anih thu a chuang.

Khelo India Athlete tur hi Khelo India Talent Identification and Development Committee-in an thlang phawt a, chu chu High Power Committee (HPC) in lo thlifim in, an pawmpui leh phawt a ngai thin. Athlete-te chetthat dan leh an result a zirin kum 8 chhung thleng, kum khat atan Rs nuai 5 thleng sponsorship-ah hian pek an ni thin a ni.

Mizoram Badminton Association chuan Thazuala'n hetiang dinhmun tha leh sang a thleng thei hi ropui a tiin a chhuang tak zet a. Hma sawn zel tur leh, Mizoram bakah India ram ti hmingthatu ni zel turin duhsakna a hlan nghal bawk a ni.

H. Lalthazuala, s/o H. Zohmangaiha, Aizawl, Mizoram, has been selected as a Khelo India Athlete (Badminton Discipline) by the Khelo India Talent Identification and Development (KITD) committee on July 1st, 2024, alongside two others, Rushendra Tirupathi and Pranauv Ram N. The Mizoram Badminton Association is extremely pleased of Thazuala's accomplishments and wishes him continued success in his future endeavors.