Rev Dr Lalchungnunga a herliam ta!

Aizawl | July 7, 2024: Mission For Christ Founder and President Rev Dr Lalchungnunga (Kum 91) chu tukin khan a boral.

Rev Dr Lalchungnunga, Durtlang Leitan, Neuva Section chu vawiin July ni 7, chawhma dar 9:15 khan Civil Hospital- ah a boral.

A ruang hi lumen tur niin naktuk July ni 8, chhun dar 12:00 khian a chenna in, Mission fo4 Christ Headquarters, Hermon Veng-ah vui tur a ni.

Zoramthanga on IG

7th July, 2024

Rev. Dr. Lalchungnunga Nghilh Loh Nan -

Pathian rawngbawltu ropui, rinna leh chhandamna thu tlangaupuitu Rev. Dr. Lalchungnunga, Founder Mission for Christ chuan vawiin July ni 7, 2024 (Pathianni); dar 9:15 AM khan a rawngbawlsak ṭhin Pâ kianga chawl tawh turin vanram min pansan ta!

Mizoram chhung leh pawna Zofate hnena Chanchin Ṭha hriltu, rinna leh chhandamna thu hriltu ropui tak a ni a. A thihna hi Mizo Kristiante tan channa nasa tak a ni.

Rev. Dr. Lalchungnunga'n van kohna min chhansan ta mai hi kan ui tak zet a. A kalsan tak a chhungkua te, a hun tawp thlenga a rawngbawlna Mission for Christ leh amah uitu a rawngbawlpuite leh ṭhiante zawng zawng Pathianin thlamuanin awmpui rawh se.

"Pâ ângchhûng nuamah chuan han châwl ta che!"