LZ Juice MPL 11/ Ramhlun Athletic chakna Felix

12:30pm Ramhlun Athletic FC 3-2 FC Bethlehem

(Felix Lalruatsanga 27', 52' (P) 90+3') (Denny Zorammawia 45+3', Thanga Hmar 58' (P)

Kuriz Man of the Match : Felix Lalruatsanga, Ramhlun Athetics FC

July ni 12, Zirtawpni khan RG Stadium, Mualpuiah Ramhlun Athletic leh FC Bethlehem inkhelah Mizo te'n hmuhnawm kan tih game min hlui. Goal 5 lai luhna hi inkhel hmuhnawm dang dai tak a ni.

Ramhlun hmatawng Felixa'n hattrick a siam a, LZ Juice MPL11-a hattrick siam hmasa ber a ni. Isaka ball vawrh luh tha lutuk atangin Minute 27-ah Felix-a'n goal  hmasa ber a thun a, Bethlehem lamin an siphur sut ngei tumin First Half-ah Sub siam nghalin, Bench atanga rawn lut Varun-a ball siam sak hmangin Danny-a chuan First Half hun pek belh-ah Bethlehem tan an sihphur an rawn sut ve nghal.

Second half tan leh phat atangin an innawr tawn leh nghal char char a, Minute 52-ah Bethlehem Player in tullo takin Penalty a chawi a, Felixa'n Ramhlun hmahruaina turin a thun. Goal luh atanga hun reilo te-ah Ramhlun Defender in penalty an chawi zui ve leh a, H Zawnhmingthanga chuan 'cooo' taka a thunin, 2-2 anih hnu hian goal thun theihna remchang team hnihte hian an nei nual.

 Point khat ve ve an insem mai dawn emaw tih hnuah, Referee Advantage pek kal zelah Ramhlun GK Hriata chuan fing taka ball pe chhuak vatin, heta tanga ball kal zel hi Ramhlun Forward Felix-a chuan an chakna goal ni turin hun pek belhah a thun zui a, Bethlehem tan goal thunna hun a awm tawh loh avangin, inkhel nung leh hmuhnawm takah Ramhlun Athletic FC ten hnehna an chang.

RAFC : Hriata (GK), Dina Hnamte, Felix, Chhantluanga (Richard 78'), Ramdinsanga (Rueben HT, Isak, Flavius, C Tluanga, Michael (Tlansanga HT), Benjamin (Caleb 88'), Optea

Unuse Substitutes : James, Tluanga, Bna Sailo (GK), Benjamin, Tlansanga, Ruatsanga

FCB : Lkhapa (GK), Msa Boihtlung, Danny (Valpuia HT), Kiran, Joseph, Gilbert, Dawngkima, Mesak (Ramchhana 90+1'), Rohlupuia (Varun 38'), L Lotha (Sena 52'), Duhsaka (Thanga Hmar HT)

Unuse Substitutes : Bawihdawnga, Melvin, Chhanhima (GK), Ngheta