Kolasib | March 30, 2024: Vawiin khan ZPM Lok Sabha MP Candidate Richard Vanlalhmangaiha chuan Kolasib Press Club ah thu thar lakhawmtute a kawm a, "State sawrkar nen pheikhai rual taka ke pen thei tur MP kan mamawh", a ti.
Pu Richard a chuan,"Zoram mipuite nghahfak Chief Minister Pu Lalduhoma kaihruai ZPM sorkar hnuaia kalphung thar kan hmu chho zel chu thil lawmawm tak leh mipuite beisei a ni a. He Sorkar tha ti chak tur hian kan hma lawka Lok Sabha MP inthlanna turah state sorkar nen pheikhai rual taka ke pen thei tur ruling party atang ngeia MP kan neih hi thil tul tak niin ka hria.
Kan hriat theuh angin kan state budget atang ringawt hi chuan hmasawnna lian tham tam tak kalpui theihna tur sum kan nei lova, Sorkar inrelbawlna atan Mizoram budget tam zawk hi kan hman ral a ngai thin. Chuvang chuan Central Sorkar atanga Development Fund awmte hai chhuah kawngah taimak kan chhuah angai hle a, MP kan lo neih tawhte pawhin theih tawp an lo chhuah thina amaherawh chu vawiina kan thlen chin chu mipui ten kan hre vek awm e. Chuvang chuan angaihna hria leh ram hmangaihna tak tak thinlung nena hna thawk tur MP kan mamawh hle a, chutiang mi chu ni a, kan hotu ten min hriat avangin Lok Sabha MP Candidate atan min chhawp chhuak a ni. Pathian leh Mipuite zara thlantlin ka lo nih hlauh chuan ka theihna zawng zawng sawmkhawmin Pathian rinchhan chungin kan ram tan hna ka thawk ang. MP Fund mai bakah Central atanga Scheme leh Project awmte kan ram tan a tam thei angber hai chhuah ka tum dawn a ni.
Kan hriat angin ZPM Party chu Regional Party kan ni a, Central lamah eng party mah zawmpui kan neih ve loh avangin Central Party liante tumah insal beh tir kan tum lo, kan hnam leh kan sakhaw him nan theih tawp chhuah ka tum a, vote zawn nan erawh hman ka tum lo.
Kolasib tlangdung hi mizoram chakkhai dapna luhka pawimawh tak a nih avangin kawng hrang hrangah tih hmasawn angai hle a, tin a tlangdung mipuite pawh hian theihna tam tak in nei tih ka hria, heng hmasawnna kawng hrang hranga Kolasib tlangdung te tan leh kan Zoram tan tih duh leh tih chak ka neih ve te, ti thei tura hna thawh kawr min hak tir turin ka beisei che u a, kan hma lawka Lok Sabha MP inthlan lo awm tur atan hian in vote hlu tak min pe turin ka ngen che u a ni," a ti.
Pu Richard Vanlalhmangaiha Lok Sabha MP Candidate hian vawiin khan Kolasib tlangdung khaw thenkhat a fanga, Pu Lalfamkima Deputy Spekaer, Pu Lalchungnunga Adviser, Pu Lalthlamuana General Secretary, Pu Kc Lallianmawia General Secretary te bakah Headquarter mi thenkhat ten an tawiawm a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: