Ruih hlo man chungchang

March 30, 2024: Nizan March 29, 2024 zan dar 10:00-ah Mizorama tawlh luh tur Heroin chu Hualngoram Police te hma laknain, an man.

Ruihhlo hi Rihkhawdar ward 1-a cheng nia inchhal Pi Zungṭial l, kum 51 d/o U Phun Phai, Sekan khua leh Pi Lalrami, kum 44 d/o Pu Chawn Tin Zam, Sekan khaw mi tuna Rihkawdar ward 2-a cheng meka inchhal kut aṭangin Heroin hawng 228 : international market-a Rs 82,00,000/- man hu leh an zawrh sum fai Rs. 4,33,000/- leh Mobile phone 6 chu man a ni.

Hualngoram sipai leh Hualngoram police ten an chhuizui nghala a kaihhawih driver Pu Agape Thang kum 36, s/o Pu Thawng Hlei Kulh, Khuangbawih Veng (Tahan atanga Motor nen rawn phurtu) leh damdawi hmang thin, zuara lo supply thintu Pu Ngun Khual kum 31 s/o Pu Than Ṭi, Pu Lalsailo, kum 25, s/o Pu San Dum, Sekan khua ve ve, tuna Rihkhawdar ward 2-a cheng mek nia inchhal te chu mana hren mek an ni. Kan zofate tan do ral lian ber Ruih Hlo tawlhtute hi Hualngoram Judiciary board-in an chung thu a rel dawn niin, The Office Of Hualngoram Administrative Officer FB Page chuan a tarlang.

The Office Of Hualngoram Administrative Officer chuan, "Hualngoram chhungah mipui sawrkarna kalpui mek a ni a, mipuite pawhin sawrkar dan leh dunte ngai pawimawha heng ruih hlo thawk thinte chanchin hi thu neitu te hnenah report-na nena ruih hlo do kawngah min thawhpui turin kan sawm duh bawk che u a ni," tiin a tarlang bawk.